web counter
LEXO PA REKLAMA!

SHKARKO APP

App Store
Google Play

E fundit!

x

Shkretimi i vlerave të PD në Shkodër/ Degjenerimi i zgjedhjeve përmes kërcënimeve të të fortëve afër Lulzim Bashës

20 Tetor 2018, 14:48, Aktualitet CNA

Që në orët e para të mëngjesit të sotëm ka filluar gara për kryetare të grup seksioneve në degën e PD në Shkoder. Në të vërtetë nuk ështeë një garë mes anëtaresh të PD , por është garë mes kryetares së bashkisë, Voltana Ademi e cila kërkon të ketë kontroll mbi PD-në e Shkodrës, dhe kryetarit aktual Ramiz Çobaj, i cili kërkon të rizgjidhet.

Prej vitesh në PD-në e Shkodrës ka përcarje e përplasje të forta, e si duket do vazhdojnë duke e kthyer në shkretim selinë e kësaj force politike. Demokratët të zhgënjyer nga Lulëzim Basha dhe të emëruarit e tij në rrethe nuk duan tja dijne për këtë votim megjithëse po tentohet me çdo formë, me telefonata, takime e deri ne kërcënime me vendet e punës nga përfaqësues te bashkisë si dhe kërcënime të fortësh që flasin në emër te Bashës.

Kjo është e gjitha çfarë po ndodh në Shkodër. PD po fiket e deputetët e Shkodrës janë kafeve. Kryetarët e grup seksioneve që do zgjidhen sot do të jenë anëtare kryesie e ata do të kene të drejtë vote për kandidatët për kryetar dege.Kujtojmë këtu se e njëjta gjë po ndodh edhe me grup seksionet e Partisë Demokratike nëpër rrethet e tjera.

Në Berat, Gjergj Kostandin Brumbuli, kreu i grup seksionit numër 2, bëri me dije përpara disa ditësh, se kishte fituar zgjedhjet, ndërsa shton se rezultati u kontestua fortë, nga Eno Bozdo, të cilin e cilëson si njeriun e Bashës. Brumbuli dha alarmin se në PD, ka një tendencë për të larguar të djathtët. Situata paraqitet kaotike edhe në Tiranë e Durrës.

Në kryeqytet është shkatërruar komplet organizimi, kurse në qytetin bregdetar të Durrësit, dega e PD është e shpartalluar, nuk ka stabilitet, për shkak të ndërrimit të shpeshtë të kryetarëve. Kjo që po ndodh me të djathtët është rezultat i veprimeve të Bashës, i cili e ka degraduar Partinë Demokratike, në të cilën ka 5 vite që nuk mbahen zgjedhje të brendshme. /CNA.al





Lajmet e fundit nga