web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive-Kreu i KLSH, betejë Basha-Meta/ Zbulohen dy kandidatët, ja ku shkon Leskaj

15 Tetor 2018, 17:46, Aktualitet CNA

Presidenti i Republikës Ilir Meta, në një njoftim për mediat në datën12 tetor njoftoi hapjen e garës për kreun e ri të KLSH (Kontrolli i Lartë i Shtetit).

Në njoftimin e publikuar në faqën zyrtare të Presidencës shkruhet, ?Presidenti i Republikës, në mbështetje të nenit 162 pika 2 të Kushtetutës, si dhe të neneve 19 pika 2, 20, 21, 23 pika 1/a, të ligjit nr. 154/2014 ?Për organizimin dhe funksionimin e Kontrollit të Lartë të Shtetit?, duke qenë se mandati 7-vjeçar i qëndrimit në detyrë i z. Bujar Leskaj si Kryetar i Kontrollit të Lartë Shtetit, përfundon më datë 22 dhjetor 2018, si dhe me vullnetin për realizimin e një procesi sa më objektiv e transparent për përzgjedhjen e një kandidature me integritet të lartë moral dhe profesional të përshtatshme për këtë pozicion Kushtetues. (Lexo njoftimin e Presidencës)

Ky proces sipas shpalljes së bërë nga Presidenca pritet të mbyllet brenda vitit pasi zotit Bujar Lesakaj kreu aktual i KLSH mandatin e përfundon në datën 22 dhjetor 2018.

Menjëherë pas shpalljes së garës kanë filluar të dalin emrat e parë. 

CNA.al ka mësuar nga burime zyrtare se PD dhe Lulzim Basha kanë hedhur për diskutim emrin e Helga Vukaj, ish ministre e Financave e Republikës së Re në 3 muaj bashkëqeverisje Rama-Basha. (Lexo CV e Helga Vukaj)

Një personazh pa asnjë peshe dhe vlerë politike për më tepër e përfolur dhe akuzuar edhe nga brenda PD, si një juriste mediokere, me zero përvojë dhe me zero kurajo administrative, një intrigante dhe mjaft e përkëdhelur në të gjithë vitet e pushtetit të PD. Një emër që më shumë duket një zgjedhje e Lulit nga ato që gjen vetëm ai.

CNA.al mësoi se emri tjetër është ai i Bahri Shaqirit ish-kreu i SHISH, aktualisht këshilltar i Presidentit Ilir Meta, por një emër me eksperiencë administrative dhe mjaft me përvojë. (Lexo CV e Bahri Shaqirit)

Posti i kreut të ri të KLSH ka hapur një betejë të re në politikë, KLSH-në do e marrë Lulzim Basha apo do lejojë që ta marrë Ilir Meta, i cili ka bashkëshorten kryetare të LSI dhe në opozitë.

Burime konfidenciale i thanë CNA.al se Bujar Leskaj kreu aktual i KLSH ka prentendime për të qenë pjesë e administratë publike. Ai ka kërkuar të jetë pjesë e Bordit të Bankës së Shqipërisë, por ende nuk ka një konfirmim zyrtar se kush do e propozojë kandidaturën e tij, LulzimBasha në emër të PD apo vetë kryeministri Rama./ CNA.al





Lajmet e fundit nga