web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet afati i regjistrimit për portalet/ Reagojnë drejtuesit e mediave

15 Tetor 2018, 16:33, Aktualitet CNA

Autoriteti i Komunikimit Elektronik njoftoi nëpërmjet faqes zyrtare, se 44 portalet e paregjistruara në QKR kanë afat 72 orë, për të deklaruar NIPT-in përkatës në seksionin kontakt të faqes së tyre, ose në të kundërt do të mbyllen.

Sipas kreut të AKEP, ka edhe subjekte të cilat janë të regjistruar, por nuk e kanë të shfaqur në Website-n tyre kodin apo NIPT-in.

Një problem tjetër i hasur është edhe domain-i i përdorur, ku shumica prej tyre kanë prapashtesën .net dhe .it, të cilat nuk i përkasin Shqipërisë, raporton Balkanweb.

AKEP do të përgjigjet vetëm për pjesën online, ndërsa përputhshmëria ligjore do të jenë nën juridiksionin e AMA-s.

Por ajo që kërcet në këtë histori është fakti se AMA nuk ka asnjë kompetencë ligjore mbi mediat online, pasi nuk ekziston një ligj rregullator, si në rastin e mediave audiovizive.

Nisma e Ramës për mbylljen e portaleve të paregjistruara,  si pjesë e paketës antishpufje, ka krijuar pakënaqësi brenda komunitetit të gazetarëve dhe administratorëve të mediave online.

?Ka nevojë për formalizim nga pikëpamja e të drejtës së autorit, pra ka nevojë për një paketë të plotë, por sërish mendoj që kjo nuk zgjidhet me udhër, me një vendim nga qeveria ose regjistrohuni ose do mbylleni. Mediat online janë hapësira më e madhe e lirisë së shprehjes në Shqipëri dhe janë më pak të kontrolluarat nga qeveria dhe ndoshta qeveria ka një tendecë për të vendosur një lloj kontrolli në këtë aspekt dhe besoj nuk e ka shumë të mundur.? -U shpreh Robert Rakipllari nga ?Panorama online?

?Nëse i shohim pa asnjë paragjykim është mirë që të gjithë mediat online të jenë të regjistruara. Të jenë të regjistruara në tatime sepse moralisht janë media që predikojnë rregullim të shoqërisë dhe nuk mund të jenë të parregulluara për vete. E dyta edhe për konkurencën mes tyre është mirë të jenë të regjistruara etj etj. Në pamje të dytë më ngjan se është një nismë edhe për të tërhequr vëmendjen dhe për të krijuar një kaos dhe një zhurmë pa shkak. Pyetja themelore që shtrohet është pse kryeministri u kujtua kur nisë të humbasë betejën e propagandës përsa i përket skandaleve që i plasën për lidhjet e tij me krimin? u shpreh Andi Bushati nga Lapsi.al.

?Ky është një akt i paprecedentë censure në Republikën e Shqipërisë dhe një hap pas në demokraci për më tepër është një dhunim i sundimit të ligjit nga ana e kryeministrit dhe AKEP. Është e turpshme që fushata antishpifje nis me shpifje, dmth AKEP merr përsipër të deklarojë që reporter.al është pa i regjistruar në Shqipëri dhe duhet të regjistrohet kur në fakt ai është publikim i rrjetit Ballkanik për gazetari investigative.? ? u shpreh Gjergj Erebara nga reporter.al /CNA.al





Lajmet e fundit nga