web counter
LEXO PA REKLAMA!

SHKARKO APP

App Store
Google Play

E fundit!

x

Dështimet e qeverisë/ Zbulohen truket e Ramës për të fshehur skandalet  

15 Tetor 2018, 10:35, Aktualitet CNA

Kryeministri Rama vijon të manipulojë opinionin publik, me qëllim fshehjen e skandaleve dhe dështimet e qeverisë.

Rama, për të shmangur koston që vjen nga opinioni publik për denoncimet për keqqeverisjen dhe problematikat që ka çdo ditë, ka gjetur një formë. Të shmangë dhe të shtypë çdo informacion dhe çdo qëndrim publik që jep kosto në qeverisje. Ka gjetur një mënyrë të veçantë. Përtej ?shpifjes? që do i detyrojë ministrat të ngrenë padi për shpifjen, gjë e cila duket se në fakt po tremb shpifësat, por ne si media nuk na tremb kjo pasi jemi të gatshëm të përballemi kur dhe ku të dojë, në mëngjes, në drekë dhe në darkë, madje jemi përballur dhe kemi fituar, por problemi qëndron tek sjellja e qeverisë, e cila kërkon që të bëjë propagandë çdo moment dhe nuk pranon kritika. Në fillim sulmoi mediat, duke i quajtur kazan, me qëllim që të ulë kredibilitetin e tyre në opinionin publik dhe më pas për të mbytur dhe zhdukur zërat, të cilat mund të japin kosto, të tilla si ankesat e qytetarëve, denoncimet, problematikat që kanë në raport me zyrat e shtetit, fenomenet e korrupsionit në administratë, problemet me legalizimet e të tjera si këto, qeveria ka gjetur një mënyrë perfekte.

Së pari, që mos dilnin në opinion problematikat dhe hallet e njerëzve, pra skandalet që ndodhin çdo ditë në zyrat e shtetit, mosfunksionimi dhe keqmenaxhimi i tyre, apo korrupsioni që është i frikshëm, Rama ka ndërtuar një portal, të cilin e quan ?Portali për bashkëqeverisjen?. Dhe qytetarët, të cilët i drejtoheshin medias, denonconin në media apo emsionet investigative apo edhe në portale të ndryshme, tashmë qeveria ka gjetur një zgjidhje, duke ?gënjyer?. I thotë qytetarëve, ?hajde se ta zgjidh unë hallin, raporto tek portali për bashkëqeverisjen?, ndërkohë që në fakt qeveria e ka për detyrë ta zgjidhë pa ja thënë në portal.

Institucionet dhe strukturat e shtetit, duhet ta monitorojnë moszbatimin e ligjit nga vartësit e tyre. Pra, nga ata që punojnë në zyrat që ju shërbejnë qytetarëve çdo ditë. Dhe këtu hileja është se qeveria “fshihet pas gishtit”. Në vend që të kontrollojë institucionet, thotë ?hajde denonco ti tek unë?.

Por, kontrollin qendra si e bën? Në fakt kjo tregon se piramida nuk funksionon nga lart-poshtë. Pra, ka një ndarje dhe kjo është loja e parë. ?Ma ço hallin ti mua, se ta zgjidh unë?.

Por, kjo bën që mos të dalë në opinion publik, kjo bën që qytetari të mos ja thotë medias. Kjo bën që qytetari të mos e çojë në një radio apo telvizion denoncimin e tij, të mos e shkruajën në rrjetet sociale, pra nuk bëhet publike. Por, e shkruan te portal i kryeministrit dhe ja zgjidhin ata që në fakt e kishin për detyrë t?ja zgjidhnin dhe pastaj bashkë me Ramën të dalë në konferencë shtypi dhe të thotë ?Faleminderit qeverisë?, ndërkohë që në fakt qeveria e kishte detyrë ligjore.

E dyta, është se pasi ndërtoi këtë, tani doli te shpifja. Dhe kjo tregon se Rama ka problem të madh propagandën.

Pra, në fillim nxorën portalin, ndërsa tani bëjnë këtë lojën me ligjin e shpifjes, nga frika e vetme që mediat thonë realitetin. Nuk e përjashtojmë edhe faktin që në ndonjë rast tek-tuk mund të ketë edhe shpifje, mund të ketë edhe abuzime në media, kjo nuk diskutohet, por për këtë ekziston një ligj. E ka neni 120 i Kodit Penal. Është i përcaktuar dhe askush nuk ka ndaluar asnjë ministër apo zyrtarë të shkojë dhe të bëjë kallzim penal për shpifje. Madje ka pasur me dhjetëra padi, por mesa duket Rama po përdor teorinë e propagandës. Nuk do që dikush ta shajë apo të bëjë kritika.

Dhe për këtë gjetur  zgjidhje. Në fillim i futi në portalin e bashkëqeverisjes, ku çojnë hallin e i mbyllin zërin që mos të dalin jashtë dhe problemet e hallegjinjve i marrin e i përdorin për propagandë. Ndërtojnë një staf në kryeministri, që sulmojnë në rrjetet sociale dhe bëjnë propagandë pa fund, dhe e treta i fut dënimin e shpifjes, që të trembë mediat.

Por, nuk i mjaftojnë këto që kanë kapur. Televizionet kombëtare apo edhe agjenci të tjera mediatike, por tani kërkon të kërcënojë dhe të trembë edhe ato portale që e kritikojnë, që ndoshta edhe ka abuzime në disa raste, por këtë shumë mirë mund ta kishin frenuar me ligj.

Dhe askush nuk thotë se thelbi nuk është tek shpifja, por te propaganda e qeverisë, e cila kërkon të mbysë çdo zë kundër. Në fillim e bëri duke hapur portalin e ashtuquajtur për ?bashkëqeverisjen?, dhe tashmë duke kërcënuar./ CNA.al





Lajmet e fundit nga