web counter
LEXO PA REKLAMA!

SHKARKO APP

App Store
Google Play

Çështja “Babale”/ Krimet e Rënda thërrasin Ardi Veliun

15 Tetor 2018, 12:44, Aktualitet CNA

Kreu i Policisë së Shtetit, Ardi Veliu, pritet të dëshmojë ditën e martë në prokurorinë e Krimeve të Rënda për çështjen ?Babale2?. Ai do të pyetet për videon, në të cilen Fredi Alizoti, personi i cili dyshohet të ketë imituar zërin e Agron Xhafajt në audio-përgjimin ?Babale?, pretendon se është shoqëruar në polici nga Ardi Veliu.

Lajmi është konfimuar nga grupi i prokurorëve të çështjes, të cilët pak minuta më parë kanë përgatitur zyrtarisht fletë-thirrjet për kreun e Policisë së Shtetit dhe për të gjithë personazhet e përfshirë në këtë histori, përfshirë dhe drejtues të policisë së Fierit.

Veliu do të pyetet në cilësinë e personit që ka dijeni mbi cështjen. Prokurorët thanë se me anë të kësaj dëshmie do të provohet nëse ai ka komunikuar me shtetasin Alizotaj për të cilin pretendohet në një video të siguruar nga drejtues të opozitës se Drejtori i Përgjithshëm i policisë ka gisht.

Edhe pse Veliu e ka përgënjështruar këtë fakt të bërë publik, kjo s?ka mjaftuar për prokurorinë. Kjo është dëshmia e parë që Veliu jep për çështjen në organin e akuzës.

Ai është  ?përfshirë? edhe më herët në çështjen ?Babale1?, kur personalisht ka kërkuar me çdo kusht nga autoritetet Kosovare ekstradimin e Albert Veliut në Shqipëri, pas kërkesës për azil nga ky i fundit. Madje burime zyrtare nga prokuroria e Kosoves thanë për CNA.al, se kërkesa e tij ka ardhur edhe në formë presioni duke i dhënë kësaj çështje një rëndësi absolute së paku për sigurinë maksimale të jetës së këtij dëshmitari, sot person nën hetim nga prokuroria e krimeve të rënda.

Mësohet se ?Babalja? ka rrëfyer çdo gjë mbi këtë histori pranë organeve hetimore kosovare duke kërkuar mos ekstradimin e tij drejt Shqipërisë./CNA.al





Lajmet e fundit nga