web counter
LEXO PA REKLAMA!

SHKARKO APP

App Store
Google Play

E fundit!

x

Rama propagandë me taksat e shqiptarëve/ Portali për "Bashkëqeverisjen" e nxjerr zbuluar

15 Tetor 2018, 11:10, Aktualitet CNA

Qeveria ka hapur një portal, të cilin e quan ?portal për Bashkëqeverisjen?, dhe sipas Ramës të gjithë qytetarët të cilët ndeshen me problematika të përditshme në zyrat e shtetit, mund të denoncojnë te ky portal dhe halli do t?ju zgjidhet. Pra, atë që nuk e bën administrata e cila e ka për detyrë ta bëjë dhe për më tepër paguhet nga taksat e qytetarëve që t?ju shërbejë këtyre të fundit, Rama thotë se e zgjidh ky portal.

Kryeministri thotë ?denonco te portali për bashkqeverisjen dhe e ke të zgjidhur?, por çështja është se kush mban përgjegjësi më pas?

Ky zyrtari që punon aty pse nuk e ka zgjidhur? Pse duhet denoncuar, dhe më pas të zgjidhet? Pse duhet krijuar një skuadër tjetër propagande dhe grupe njerëzish në kryeministri që mbledhin të dhëna dhe ua çojnë drejtorëve apo ministrave, me porosi të kryeministrit? Pse duhet të ndodhë kjo, kur në fakt ata e kanë për detyrë ta zgjidhin? A ka mbajtur njeri përgjegjësi penale ?

Përtej propagandës, që gjasme janë pushuar nga puna, në fakt e vërteta rezulton krejt ndryshe. Askush nuk është hequr nga puna, hiqen nga një vend dhe çohen në një vend tjetër, apo largohen nga drejtorë dhe çohen shefa sektorësh. Largohen nga puna gjoja zyrtarisht dhe më pas komandohen. E gjitha kjo është vetëm për show.

Mund të ketë zgjidhje problemesh, por Edi Rama nuk është Zoti që zgjidh hallet. Nuk është Perëndia. Ai është kryeministri dhe Piramida duhet të funksionojë nga poshtë-lart dhe nga lart-poshtë.

Pra, institucionet dhe administrata duhet t?ju shërbejnë qytetarëve, por në fakt kjo nuk ndodh. Dhe këtë e tregon vetë portali i bashkëqeverisjes që administrata nuk funksionin dhe ka paaftësi. Sepse portali bën pikërisht këtë detyrë. Portali nxjerr zbuluar paaftësinë e administratës dhe i shërben qeverisë të mos ketë zhurmë mediatike dhe të fshehë denoncimet./CNA.al





Lajmet e fundit nga