E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

Shpëtoni "skllevërit" e medias

15 Tetor 2018, 13:22, Aktualitet CNA

Qeveria po bën disa lëvizje të tilla, si regjistrimi i portaleve, apo dënimi i shpifjes etj, që në fakt më shumë duken se Rama ka frikë dhe do të kontrollojë propagandën, e cila po i del nga duart dhe nuk e mban dot më nën kontroll. Por, ajo që duhet të zgjidhet para kësaj janë ?skllevërit? e medias, siç janë gazetarët. Një emër i përdhosur, në disa aspekte. Jo vetëm për abuzivizmin, jo vetëm se shiten e blihen, jo vetëm që dhunohen çdo ditë dhe nuk mund të flasin, por sepse nga gazetarë po kthehen në “skllevër” të medias. Përtej faktit që qeveria do të regjistrojë portalet, duhet të kontrollojë gazetarët që punojnë në të zezë, pa sigurime, pa rroga, duke u dhunuar çdo ditë, pa folur këtu edhe për gazetarët që punojnë në mediat aktuale.

Pa folur për studentët të cilët duan të bëjnë kurse dhe të provojnë veten e tyre në gazetari.

E pra, ju deklarohen paga minimale, duke mos ju paguar sigurimet dhe duke ju dhënë pjesën tjetër në të zezë, çka tregon se bizneset që financojnë shumicën e mediave, përfshirë këtu televizionet, mediat kombëtare, mediat lokale, agjenci lajmesh, portale e çfarë të duash, radio e kudo. Plaga e parë, më pak e dhimbshmja është që një pjesë e pagës merret në të zezë, dhe ju deklarohet paga minimale sikur janë pastrues, dhe ju jepet 240 mijë lekë paga minimale, megjithëse kanë nga 10 apo 15 vite gazetarë. Një student mund të fillojë me aq, apo dicka më tepër, por jo kurrësesi një gazetar me 10 vjet eksperiencë.

Së dyti është fenomeni i gazetarëve që punojnë në të zezë. Nëpër portale apo televizione, ku të duan. Në portale të fshehur vrimave, mbajnë 3-4 vetë që punojnë online, që nuk kanë asnjë reklamë dhe që nuk sigurojnë askënd.

Regjistrimi nuk zgjidh asnjërën prej këtyre problematikave që përmendëm më sipër. Ai mund të regjistrojë një apo dy, ndërkohë që informaliteti i tregut të medias mund të jetë ndoshta edhe 50%. Dhe kjo jo vetëm nga portalet, por edhe nga mediat tradicionale aktuale, të cilat fshehin të ardhurat, punojnë me dy balance për pagat, dhe të tjera fakte si këto.

Një tjetër fakt, është se merren gazetarët në provë. Justifikohen se janë në provë, duke i mbajtur edhe mbi dy javë dhe nuk ju paguhet asnjë qindarkë. Nuk regjistrohen në sigurime, pra nuk figurojnë fare që punojnë. Nuk ka student gazetarie sot që nuk e ka provuar. Të gjithë flasin e bërtasin, jo shpifja etj, por kur ka informalitet kjo do të ndodhë, por turpi më i madh janë redaksitë e televizioneve kryesore në vend. Të cilët kanë edhe reklama të majme, duke përfituar nga fakti se janë ekrane telvizive. Mbajnë edhe portale me nga 4 persona, të cilët i paguajnë si karrocierët e pazareve qëmoti. Të paktën kështu duken të deklaruar. Pa folur pastaj për ata që punojnë në mënyrë informale.

Problemi më i madh këtu është skllavëria në media. Përtej propagandës së Ramës që i quan kazan, gazetarët këtu janë kthyer në “skllevër”. Pa folur pastaj edhe për pronarët e mediave, të cilët do t?i quajmë pa asnjë diskutim, ?bandë kriminale e lidhur me pushtetin?. Pavarësisht asaj që thotë Rama ?kazan?, nuk ka asnjë pronar, përjashtuar ndonjë tek-tuk, që nuk ka pasur afera me pushtetin. Leje pallatesh, biznese, favorizime, taksa të mos paguara etj. Kjo tregohet që nga faqet e para të gazetave apo edhe ekranet televizive. Pa folur pastaj për rrogat e gazetarëve që ju vonohen disa muaj, që nuk u jepen shpërblimet, etj./ CNA.al

Dështimet e qeverisë/ Zbulohen truket e Ramës për të fshehur skandalet