web counter
LEXO PA REKLAMA!

SHKARKO APP

App Store
Google Play

Rrëfim tronditës/ Si fjeti fëmija me nënën e vdekur në kampin famëkeq shqiptar

15 Tetor 2018, 15:30, Aktualitet CNA

Nikoll Pjetër Hysaj, i cili është me origjinë nga Vermoshi, por që sot jeton Michigan ka  treguar një ngjarje tronditëse që ka ndodhur në kampin e internimit të Tepelenës.

Në këtë kamp ka qenë e internuar nëna e tij dhe ajo i ka treguar se si një djalë i vogël kishte fjetur gjithë natën, pranë nënës së tij të vdekur.

?Ishte darkë, Luigji i vogël, sot jeton në Ulqin-Mal i Zi, po qante me të madhe. Pushonte dhe qante përsëri. Kështu vazhdoi për një kohë të gjatë. Unë, tregon nëna, i thirra; Mare, moj Mare, çfarë ka djali që po qan kaqë shumë?! Por Mara nuk përgjigjej. Atëherë unë shkova tek krevati i saj dhe çfarë të shihja?..?! Mara mor bir, tregon nëna, kishte vdekur me fëmijën në gji, i cili qante se nuk kishte qumësht. Nënës sime, Ages, lotët nuk i pushonin sa herë që e tregonte këtë ngjarje, pasi edhe Luigji, nëse nuk do të qante, do të kishte pësuar fatin e nënës së tij atë natë?, – ka treguar Nikoll Pjetër Hysaj për gazetën Tema.

Më tej gjatë rrëfimit të tij, ai ka treguar se si nëna e në internim deri në vitin 1953 në kampin e Tepelenës.

?Mbas kthimit të nënës nga internimi, familja jonë filloi të rindërtojë jetën nga e para, por pushkatimi i babait dhe internimi i familjes gjithmonë na kane ndjekur pas si një hije zezë si gjithë shtresat e tjera të persekutuar. Këto ishin edhe arsyet përse unë në vitin 1979 lashë familjen e u arratisa nga Shqipëria duke marrë parasysh edhe vdekjen, ku nëpërmjet një udhëtimi të vështirë dhe të gjatë, munda të mbërrij në Shtetet e Bashkuara të Amerikës, ku jetoj aktualisht?, – ka thënë ai gjatë rrëfimit të tij./ CNA.al





Lajmet e fundit nga