E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Të dehur dhe pa patentë/ Arrestohen 27 drejtues mjetesh

15 Tetor 2018, 16:49, Aktualitet CNA

Policia rrugore ka njoftuar masat e ndërmarra për mbarëvajtjen e qarkullimit rrugor gjatë javës që lamë pas.

Në Tiranë janë arrestuar 27 drejtues mjetesh, nga të cilët 21 prej tyre janë konstatuar në gjendje të dehur dhe 6 të tjerë për mungesë të lejes së drejtimit.

Gjithashtu janë pezulluar 124 leje drejtimi për shkaqe të ndryshme, si drejtim mjeti në efektin e alkoolit, shpejtësi tej normave të lejuara dhe shkelje të tjera.

Në lupën e policisë kanë rënë edhe Autoshkollat, ku 4 prej tyre janë ndëshkuar për mungesën e dokumentacionit përkatës.

Njoftimi i plotë

Krahas masave për garantimin e sigurisë rrugore, shërbimin e drejtpërdrejt për rregullimin e trafikut si dhe marrjen e masave për mbarëvajtjen e aktiviteteve masive, Rrugorët e Kryeqytetit, janë angazhuar maksimalisht edhe me zbatimin e detyrimeve të përcaktuara në Planin Operacional ?Tispol 2018? për kontrollin e dokumentacionit të kursantëve, instruktorët dhe mjeteve Autoshkolla në territorin e kryeqytetit nga data 12-14 Tetor 2018, si dhe Planin e Masave për kontrollin dhe verifikimin e përdorimit të alkoolit dhe shpejtësisë së lëvizjes përgjatë gjithë javës dhe me shërbime të shtuara përgjatë fundjavës.

Nga verifikimet dhe kontrollet e ushtruara në funksion të detyrimeve ligjore që ka shërbimi i Policisë Rrugore si dhe në zbatim të Planeve Operacionale të ndjekura gjatë javë janë konstatuar dhe:

? Arrestuar në kushtet e flagrancës 27 shtetas, nga të cilët 21 për drejtim mjeti në gjendje të dehur dhe 6 për drejtim mjeti të papajisur me leje drejtimi.

? Janë pezulluar 124 leje drejtimi, nga të cilat 52 për drejtim mjeti nën efektin e alkoolit, 39 për shpejtësi mbi normat e lejuara si dhe 33 për shkelje të tjera.

? 570 masa për shkelje të sinjalizimit rrugor vertikal dhe horizontal.

? Janë vendosur 346 masa për përdorim celulari.

? Janë ndaluar administrativisht 85 mjete, për detyrime të pashlyera.

? Si dhe janë vendosur 2730 masa administrative për shkelje të tjera të rregullave të qarkullimit rrugor.

? Janë kontrolluar 63 mjete Autoshkolla, nga të cilat janë ndëshkuar 4 prej tyre për mangësi në dokumentacionin përkatës.

Policia Rrugore , Ju uron suksese të gjithë stafit Akademik Universitar dhe veçanërisht studentëve si dhe apelon për më shumë përgjegjësi gjatë përdorimit të mjeteve rrugore, kryesisht në qendrat e banuara, vendkalimet e këmbësorëve dhe oraret e pikut të trafikut. /CNA.al