E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

KLSH-ja, institucioni grabitës i shtetit

5 Tetor 2018, 12:27, Aktualitet CNA

Në Shqipëri ekziston një institucion, i cili quhet Kontrolli i Lartë i Shtetit. Një institucion, i cili në fakt do duhej të shërbente për të kontrolluar të gjithë administratën shtetërore, të gjitha institucionet dhe qeverinë, në lidhje me shpenzimet financiare dhe respektimin e ligjit.

Por, çfarë ndodh?

KLSH-ja në vend që të bëhet institucion kontrollues, është kthyer më shumë në një institucion pazaresh, gjobash, dhe keqpërdorim.

Por, le të sjellim fakte dhe detaje, meqënëse askush nuk flet dhe nuk shkruan për KLSH-në.

Janë me dhjetëra dosje të dërguara në prokurori, por që mbyllen nga kjo e fundit, për shkak së pari të dosjeve të paplota ose stili i përdorur në këto dosje, është që ato të mbyllen. Ka me dhjetëra raste të tilla, të cilat tregojnë jo mungesën e profesionalizmit, por dy gjëra.

Ose ka paaftësi dhe gabime, ose me dashje çohen dosje të paplota, që të pushohen. Pra, të mbyllet një pazar.

Nga ana tjetër ka edhe pazare. Pazare të cilat, shpesh i dëgjon rëndom në ambientet e administratës publike. Që kur shkon KLSH-ja, inspektorët bëjnë raport paraprak, ai është i zi, i plotë, por ndoshta mund të jetë edhe bosh. Mbyllin dhe njërin sy, jo vetëm ata. Më pas dhe përgjegjësit e grupit të kontrollit, pas kësaj shkohet tek drejtorët e deri te kryetari i KLSH-së, Bujar Leskaj.

Flitet dhe akuzohen me emra, sekserë, personazhe të cilët mbyllin dosje. Të cilët kur i takon, të mbarojnë ?punë?. Dikush thotë se duhej mbyllur që në fillim, dikush thotë se tani nuk mbyllet, sa më shumë të rritet pazari.

Hapen dosjet diku, kontrollohen e vihen masa ekstreme për gjëra shumë të vogla dhe diku tjetër nuk hapen dosje fare apo u mbyllen ato, e diku tjetër rrugës ndryshon dosja. Ndryshon raporti ligjor, e kështu me radhë.

E pra, kjo është KLSH-ja. Institucioni që në fakt do duhej të ishte për transparencën e institucioneve publike, por është kthyer në institucionin e gjobëvënies dhe pazareve ndaj këtyre institucioneve apo më keq akoma i keqpërdor për interesa private zyrtarësh shtetërorë, ku diku gjuan me ?shkopin e Maliqit? e diku ?puth? dhe përqafon hajdutin zyrtarë, pasi ka mbushur xhepat plot dhe ka ndarë bashkë me të haraçin e vjedhjes.

E kjo është KLSH-ja e sotme, institucioni që do duhej të ishte i pavarur, transparent e në shërbim të qytetarëve, për të mbrojtur taksat e tyre dhe për të ndalur vjedhjen dhe abuzimin e zyrtarëve.

Por kjo nuk ndodh, sepse KLSH është kthyer në një vegël dhe është po aq e korruptuar sa qeveria, të cilës i mban dhe iso ditë e natë kreu i saj, Bujar Leskaj./CNA.al