E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Rama përbuz ish-të përndjekurit/ Familjarët në panik, dëmshpërblimet do kthehen mbrapsht ?

8 Shtator 2018, 11:20, Aktualitet CNA

Deputeti i Partisë Demokratike, Enkelejd Alibeaj ka hedhur akuza të forta sot në drejtim të qeverisë dhe kryeministrit Rama, për të cilin tha se përbuz ish-të përndjekurit politik.

Në një deklaratë për mediat, deputeti Alibeaj tha se Rama po zhvat me koncesione korruptive, pjesën e parave që ju takojnë familjarëve të të ish-përndjekurve politik, të cilët nuk jetojnë më.

Sipas Alibeajt, edhe ata që janë dëmshpërblyer tashmë duhet të rrinë në panik se qeveria mund të vendosë që të kthejnë mbrapsht dëmshpërblimet e marra.

Ndër të tjera Alibaej theksoi se ?Mungesa e parave për dëmshpërblimet e ish-të përndjekurve është vetëm justifikim, pasi Rama ka shpenzuar vetëm për luks 11.3 miliardë lekë.?

Gjithashtu Alibeaj theksoi se qeveria PPP, koncesione dhe tendera korruptive pa fund për oligarkët dhe miqtë e Ramës.

?Justifikimi për mungesë parash është një ?shuplakë? që Rama ju jep ish-të përndjekurve. Heqja e dëmshpërblimit tregon se ata që janë në qeveri sot janë bijtë biologjik dhe ideologjjik të diktaturës. Rama tregoi se përbuz të përndjekurit?-tha ndër të tjera deputeti demokrat Enkelejd Alibeaj.

Deklarata deputetit Enkelejd Alibeaj:

Edi Rama godet sërisht ish-të përndjekurit politikë dhe të dënuarit nga komunizmi, duke reduktuar fondin për dëmshpërblimet dhe duke i vënë këto para në dispozicion të koncensioneve korruptive dhe PPP-ve që u jep familjarët dhe miqtë e tij.

Për të realizuar këtë skemë që ndëshkon sërish këtë shtresë të masakruar nga shteti I partisë së tij, qeveria Rama ka propozuar së fundmi ndryshime në ligjin e të përndjekurve politikë, duke sjellë regres të madh për procesin e dëmshpërblimit financiar të tyre.

Ligji injoron rregullat e trashëgimisë dhe parashikon që pjesën takuese të familjarit që nuk jeton e zhvat Rama, duke e futur në buxhetin e shtetit për ta përdorur për koncesionet korruptive të tij.

Ligji deformon mekanizmin e shpërndarjes së dëmshpërblimit, duke hequr dyshemenë dhe duke përcaktuar në vend të tij tavanin e dëmshpërblimit prej 1 milionë lekë.

Po ashtu, ligji i hap derën Qeverisë të rishikojë dëmshpërblimet e marra nga të përndjekurit, që do të thotë se edhe ata të përndjekur e familjarë që janë dëmshpërblyer duhet të rrinë me panik se Qeveria mund të vendosë kthimin ose reduktimin e dëmshpërblimit.

Qeveria nuk mund të justifikohet për mungesë fondesh sepse Qeveria jep PPP pa fund dhe tenderime korruptive ndaj klienteles se saj të oligarkëve.

Ligji dhe justifikimi për mungesën e parave është një shuplakë e radhës për cdo të përndjekur teksa Rama shpenzon për luks 11.3 miliardë lekë, aq sa është fondi i të përndjekurve politikë.

Vetem 2 agjenci qeveritare ? AKU dhe AKT, kanë shpenzuar 188 milionë lekë nga buxheti i shtetit vetëm për 2 limuzina luksoze. Gjatë vitit 2018-të, qeveria Rama ka shpenzuar 25 milionë euro për blerje apo qira makinash për qeveritarët. Ndërkohë që prej vitit 2014 vlera e shpenzimeve të luksit kap shifrën marramendëse të 61.2 milionë eurove. Pa folur këtu për shpenzimet e udhëtimeve me charter ?të sponsorizuara? nga klientela oligarkike.

Ndërkohë që Qeveria e Rilindjes e ka harruar shpërblimin e të përndjekurve politike pasi shpenzimet për ta janë në nivele minimale: në 7 muaj të vitit 2018 janë paguar vetëm 2.2 milionë dollarë ose rreth 5 herë më pak nga planifikimi 7 mujor. Kjo vlerë është pothuajse 6 herë më e ulët se sa pagesat faktike të kryera në janar-korrik 2017.

Heqja e dëmshpërblimit është një tregues i radhës, se ata që qeverisin sot janë bijtë biologjikë dhe ideologjikë të diktaturës së djeshme. Njerëz që nuk kanë kërkuar kurrëfarë ndjese për krimet e kryera.

Prej kohësh është e qartë se Rama i përbuz të përndjekurit politikë dhe se nuk ka asnjë plan për rivendosjen e dinjitetit të tyre dhe për ri-integrimin e tyre.

Paçka se sot tamam si në sistemin e djeshëm komunist jemi nje shtet pa Gjykatë Kushtetuese, pra pa nje institucion ku mund te ankohesh, është detyrim moral, kushtetues dhe mbi te gjitha politik i Partise Demokratike, që ditën e parë të qeverisjes së saj ky ligj do të shfuqizohet, për të rikthyer edhe njëherë shpërblimin e plotë dhe të drejtë të ish të përndjekurve politike./ CNA.al