web counter
LEXO PA REKLAMA!

SHKARKO APP

App Store
Google Play

Çfarë nuk u pa në Asamblenë e PS-së/ Ministrat në “ethe”, zbulohet ultimatumi i Ramës

8 Shtator 2018, 06:53, Aktualitet CNA

Partia Socialiste ka mbledhur ditën e djeshme Asamblenë Kombëtare, ku u morën edhe një sërë vendimesh, teksa fokusi kryesor ishin zgjedhjet e ardhshme lokale.

Gjatë fjalës së tij në Asamble, kryeministri Rama ka folur me tone të ashpra në drejtim të drejtuesve të PS, kryebashkiakëve, por edhe për Ministrinë e Bujqësisë nuk i ka kursyer kritikat e forta.

Ndërsa, në përfundim të mbledhjes së përgjithshme, zhvilloi një mbledhje me dyer të mbyllura me ministrat, krerët e degëve dhe kryetarët e bashkive.

Gazeta Sot ka zbardhur disa detaje nga diskutimet me dyer të mbyllura të kësaj mbledhje, siç janë ndryshimet e paralajmëruara në qeveri, performanca e kryebashkiakëve socialistë dhe situatës në parti. Sipas informacioneve, mësohet se Rama ka paralajmëruar se në ditët në vijim mund të ketë ndryshime në qeveri.

Rama u ka dhënë ministrave edhe një sërë detyrash për t?i përmbushur në kuadër të integrimit. Dhe në rast se ata dështojnë, do tu duhet të lënë vendin e punës.

Po ashtu, mësohet se Rama ka qenë i prerë me vartësit e tij, të cilëve ju ka dhënë ultimatum që të shkarkojnë gjithë militantët e LSI nga administrata, pasi sipas tij, asnjëri prej tyre nuk përmbush kriteret. Në këtë kontekst, mësohet se Rama ka nënvizuar edhe faktin se ky proces bëhet në kuadër të kushteve të kërkuara nga BE sa i takon reformës së nisur në administratë.





Lajmet e fundit nga