web counter
LEXO PA REKLAMA!

SHKARKO APP

App Store
Google Play

E fundit!

x

Infermierë për Shqipërinë/ Fituesit e fazës së dytë përzgjedhin vendet e punës në Tiranë

8 Shtator 2018, 10:28, Aktualitet CNA

Fituesit e fazës së dytë që konkuruan nëpërmjet portalit Infermierë për Shqipërinë përzgjodhën sipas renditjes së pikëve vendet e lira të punës në qendrat shëndetësore dhe spitalet publike.

Vetëm për qarkun e Tiranës, kandidatët që u shpallën fitues përzgjedhën sipas pikëve të marra në dy fazat e konkurimit 45 vende vakante të krijuara për infermierë dhe profesionistë të shkencave mjekësore teknike.

Në listën fituese janë aktualisht 144 kandidatë në qarkun e Tiranës, të listuar sipas pikëve, ku përveç fituesve nga konkursi i fundit, janë përfshirë edhe fituesit e dalë nga testimi i parë por që deri tani nuk kishin përzgjedhur vendet e punës ekzistuese. Fituesit janë pozicionuar sipas pikëve që kanë marrë, duke përzgjedhur vendin e punës të parët ata që kanë numrin më të madh të pilëve, sipas renditjes.

Procesi i testimit të kandidatëve në platformën ?Infermierë për Shqipërinë? ka qenë një proces transparent në të gjitha fazat e tij, që nga regjistrimi, testimi, procesi i ankimimit, deri në shpalljen e listës përfundimtare të fituesve dhe përzgjedhjes së vendeve të reja të punës me bazë merite, në bazë të pikëve të marra nga secili kandidat nga të gjitha fazat e konkurimit.

Gjatë javës në vijim do të mblidhen komisionet për të vijuar procesin e pëzgjedhjes së vendeve të punës nga fituesit dhe për qarqet e tjera.?





Lajmet e fundit nga