E fundit!

13:34 Kosova & Bota

Shkatërrimet nga tërmetet në Venezuelë/ Vendet evropiane ofrojnë ndihmë dhe avionë transporti

Shtetet e Bashkuara të Amerikës, Kinë, Kili dhe vende të t...

Një sqarim Pëllumb Kullës/ Mondi e ka ves

8 Shtator 2018, 09:49, Aktualitet CNA

Nga Elvi FUNDO

*Në një letër publike drejtuar nënkryetarit të Partisë Demokratike, shkrimtari, skenaristi, njeriu i letrave, i humorit, i madhi Pëllumb Kulla nga SHBA i drejtohej Edmond Spahos.

Një letër që kishte brenda gjithçka është Pëllumbi, artist dhe një shkrimtar i veçantë, ku ironia dhe sarkazma e fut tehin aq thellë, a thua se është një thikë në plagë që vetëm e trazon dhe e trazon.

Buzëqeshje duke e lexuar, por edhe njëkohësisht kuptoje realitetin e neveritshëm të një pjese të mirë të politikës shqiptare, përfshirë këtu mazhorancën dhe turpësisht edhe opozitën, thjesht estabilishmentin e neveritshëm.

S?janë rastësisht politikanët jashtë dhe servilët brenda. Por, si Pëllumb Kulla aq bukur se them dot. E ka qarë ai. Këta janë kaq pa identitet e formë sa të duken si mirazh pa formë njeriu.

E në vend që të kishim një opozitë alternative dhe me vlera, kemi një opozitë që ka nevojë për letra, si ajo e djeshmja, shkruar nga Pëllumb Kulla.

Në fakt, nuk ishte një debat. Ka pasur një letër, ose më saktë ka pasur një publikim të një shkrimi të Pëllumb Kullës, të kohëve më parë, të përsëritur në gazetën “Dita”, i cili ka bërë që Edmond Spaho të shkruajë disa rreshta dhe të reagojë ndaj tij.

Në fakt, Pëllumbi i ka kthyer menjëherë përgjigje Edmondit, por ndoshta këtu ka një problematikë, që lidhet me Pëllumbin.

Zoti Kulla nuk e njeh Edmond Spahon, se në fakt po ta njihte nuk do t?i kishte bërë atë letër aq të gjatë, megjithëse Mondi nuk meriton atë.

Por, po ta njohësh dhe po ta analizosh, me kalimin e kohës e kupton dhe thua se ?ky nuk e meriton t?i shkruash asnjë letër?.

Nuk ja vlen sepse mjafton ta shohësh si ?profesorin? që e tall dhe e neverit Edi Rama, si ?kllounin? e vogël që e tall dhe e neverit Lulzim Basha, si ?skuthin apo kërmillin? e neveritshëm që Berisha e merrte sa afër e larg, e shpesh i binte me shpulla.

Si të paaftin e të pavlerin, shërbëtorin e ish-diktaturës, njeriun që ende nuk e ka hapur dosjen e tij turpësisht, megjithëse ajo s?ështe se ka ndonjë vlerë edhe po ta hapësh. Tashmë dosjet janë fshirë, por një nënkryetar partie me dosje të pahapur është edhe Edmond Spaho.

Do ta kuptonte Pëllumb Kulla, po edhe çdo person tjetër se nuk ja vlen të merresh me Edmond Spahon. Në fakt Pëllumb Kulla, nuk e di që Edmond Spaho duke u sjellë si një kërmill i vërtetë ka mundur të ngjitej aty ku ndodhet dhe këtë e ka bërë që në ditët e para të ardhjes së demokracisë, e ka bërë kur është ngjitur në grada dhe është bërë zv.ministër apo ministër. Më pas duke u marrë me fondacione të lidhura me Sorosin, e më tej duke zënë poste në PD, duke ndenjur në hije e duke tentuar të bëhet me grupet ?armiqësore?.

Duke luftuar si skuth për të kapur diçka me vrap ikte pas Bamir Topit sepse nuk e përfillte Berisha, Bode apo Topalli. Dhe pastaj kur doktori e telefononte, ishte gati të vishte bebelinat dhe duke u permjere të shkonte me vrap aty ku i thoshte Berisha. E këtë e ka bërë disa herë. E vazhdonte, e vazhdonte thjesht me ambicjen qe si një kërmill të ngjitej lart.

Duhet ta shohësh kur flet në telefon me Berishën që ta kuptosh se kush është, duhet ta shohësh kur flet në telefon me Bashën që ta shohësh se kush është. Duhet ta shohësh pa pushtet dhe si skuth për ta kuptuar sesa vlen ai.

Megjithëse një burrë, mbi të 60-tat, që duhej të ishte në një klasë performance politike, ai ka zgjedhur të jetë një kërmill.

Mondi e ka ves, nuk i ikën gjuha ore, edhe po mbajti erë vrima ku e ka futur.

Duket si një personazh i ndershëm dhe serioz, por nuk është gjë tjetër Pëllumb, veçse një lëpirës. Nuk ja ka kërkuar kush të të sulmojë dhe të të përgjigjet ty. Mos kujto se i ?digjet barku? për Sali Berishën, sepse dje kur ka qënë në Korçë e rrinim bashkë, në konfidenca pas edhe ndonjë gote, nuk linte llaf pa thënë për të.

E shikonte si njeriun më problematik për demokracinë dhe Partinë Demokratike, a thua se i ?digjej barku? për PD-në, por e kishte hallin te vetja. E quante veten të pavlerësuar, si një punëtor të madh. E sulmonte Berishën kur të mundej e si të mundej.

Mos kujto se është një njeri që mbështet Lulzim Bashën, as ka asnjë lidhje me të. Nuk e ka dashur kurrë, përkundrazi, fillimisht ishte kundër tij, por mjaftoi telefonata e Berishës për të kuptuar se ai duhej të ngjitej në krahun tjetër duke u lëpirë. Eci e eci, dhe krejt rastësisht u bë nënkryetar pas disa pazareve të fëlliqura.

Është një njeri që nuk ka shokë, është një njeri që nuk ka miq. Nuk ka më afër asnjë nga ata që ka ndenjur. Shkoni e pyesni në grupin parlamentar të PD-së, t?ju thonë sesa e duan dhe e vlerësojnë si kryetar grupi. Si komunikon me miqtë dhe shokët e tij, ata të partisë, pale të tjerët që nuk i ka ngelur më askush.

Është një vetmitar që kërkon të ngjitet edhe më lart në shkëmb dhe asgjë më tepër se kaq.

Dhe kot në oborret e PD-së nuk i thonë ?kërmilli?, sepse e kanë parë që është ngjitur pa e merituar, megjithëse pretendon se është punëtor, dhe madje punëtor i madh dhe ka mbledhur shumë vota, por gjithmonë duke qënë në rol të dytë, apo të tretë sepse vetë për të drejtuar është kaq i aftë sa ç?e shihni ju.

Nuk di të bëjë gjë tjetër, thjeshtë dhe vetëm të reagojë ndonjëherë që t?i pëlqejë Berishës apo të zbatojë me përpikmëri urdhërat e Bashës. Ai e di shumë mirë se duke u sjellë si kërmill mund të vazhdojë të qëndrojë aty ku të jetë, sa të ketë mundësi.

Pensionin e ka siguruar, tani i duhet edhe një mandat në pushtet, të zgjidhë edhe ca halle nga ato që ka zgjidhur në pushtetin e djeshëm të PD-së, edhe nga ato halle që i kanë zgjidhur edhe këta të PS-së. Edhe Taulant Balla që e sulmon në konferenca shtypi. Edhe Edi Rama që i thotë ?profesor?, edhe ndonjë ministër socialist që e ka përzemër ?kërmillin? e PD-së.

Ky nuk na prish punë, ?përshesh me kos ha, kështu që le t?i japim një lugë të ngopet dhe Mondit?.

Ky është Edmond Spaho, Pëllumb Kulla dhe prandaj nuk ke pse shqetësohesh hiç dhe nuk ke pse i kthen letra. Mos u merr me ata që s?duhet të merresh. Mos e ul nivelin tënd në nivelin e kërmijve të politikës./ CNA.al

Lëpirja e fundit e Edmond Spahos/ Kërkon të ruajë karrigen

Nga Pëllumb Kulla/ Letër e hapur nënkryetarit të PD, deputetit Edmond Spaho