web counter
LEXO PA REKLAMA!

SHKARKO APP

App Store
Google Play

Zyrtarizohet përjashtimi i deputetit Gjetani?/ Ja si përgjigjet Spiropali

8 Shtator 2018, 10:03, Aktualitet CNA

Deputetja e PS-së, Elisa Spiropali në një deklaratë për gazetarët pas përfundimit të  mbledhjes së kryesisë dhe sekretariatit të PS-së u shpreh në lidhje me atë që u diskutua në mbledhje si dhe për përjashtimin nga grupi socialist i deputetit Gjetan Gjetani.

Spiropali tha se u diskutua në lidhje me hapjen e Partisë Socialiste, dhe për afrimin e të rinjve në këtë parti.

?Ndryshe nga opozita që betejën parlamentare ka vendosur ta bëjë në hotele me 5 yje, ne betejën tonë në PS në grup dhe qeveri kemi vendosur ta fokusojmë te njerëzit. Sot kemi një PS dhe një grup parlamentar kompakt për vizionin qeverisës, në bashkëqeverisje me qytetarët, kështu e kemi fituar betejën në koalicion me qytetarët  dhe kështu do ta vazhdojmë?- tha ajo.

E pyetur nëse është zyrtarizuar një vendim për përjashtimin e deputetit të PS-së, Gjetan Gjetani, për të cilin dha lajmin dje live kryeministri Rama, Spiropali u përgjigj:

?Vendimi dhe përjashtimi nuk është kompetencë e kryesisë. Ajo u diskutua dje në Asamblenë Kombëtare. Në kemi një proçes votimi  në lidhje me vendimet e marra të cilën e kryem në momentin kur u larguan gazetarët. Ajo që vlen të thuhet sot është se kemi një PS dhe një grup parlamentar që janë kompakt sa i takon vizionit?./CNA.al

 





Lajmet e fundit nga