E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Lëviznin të armatosur në qytet/ Arrestohen dy persona

11 Gusht 2018, 11:04, Aktualitet CNA

Policia ka vënë në pranga ditën e sotme dy shtetas në Elbasan të cilët mbanin armë zjarri me vete. Policia sekuestroi dy armë zjarri, fishekë luftarak, automjetet dhe sasi parash prej 250.000 lekësh të reja.

Shtetasit e arrestuar janë Arben Trasha, 48 vjeç, banues në lagjen “Shënkoll si dhe Elton Dedja 39 vjeç, banues në lagjen ” Visarion Xhuvani”, Elbasan.

Njoftimi i policisë:

Finalizohet me sukses operacioni policor i koduar “BEFASIA”.

Operacioni nga ana e strukturave të DVP Elbasan në bashkëpunim me FNSH Tiranë.

Arrestohen në ambientet e një lokali dy shtetas që mbanin armë zjarri me vete

Sekuestrohen dy armë zjarri “Pistoleta”, fishekë lufatark, automjete dhe një sasi lekësh.

Në kuader të planit të masave të hartuar nga DVP Elbasan, për rritjen e sigurisë publike, parandalimin e ngjarjeve të mundshme kriminale, kapjen e personave që lëvizin me armë pa leje, kontrollin e automjeteve, ambienteve që përdorin personat me preçedentë kriminalë, si dhe çdo veprimtari të paligjshme, si rezultat i një pune të mirëorganizuar policore të strukturave të Policisë Elbasan në orët e mbrëmjes së datës 10.08.2018, në

lagjen ?Beqir Dardha? në ambientet e një bar kafe, pas një reagimi të shpejtë të struktuarave policore bazuar mbi informacionet e marra në rrugë operative, është bërë e mundur kapja në flagrancë e shtetasve:

Shtetasit e lartpërmendur janë kapur në flagrancë nga shërbimet e Policisë në ambientet e lokalit ku secili mbante me vete nga një armë zjarri Pistoletë pa leje.

Në cilesinë e provës materiale janë sekuestruar :

-Dy armë zjarri Pitoleta (?SIG-SAUER? dhe”Bereta”, ) dhe 20 fishekë luftarakë..

– tre automjete dhe një sasi prej 250.000 lekesh te reja.

Materialet hetimore për veprën penale ?Mbajtja pa leje dhe prodhim i armeve dhe municioneve luftarake? parashikuar nga neni 278/1 i Kodit Penal i kaluan Prokurorisë pranë Gjykatës së Shkallës së Parë Elbasan./CNA.al