“Vettingu, si të kalosh varrin për së gjalli”/ Kryegjyqtari i Kushtetueses drejt shkarkimit?

11 Gusht 2018, 10:21, Aktualitet CNA

?Nuk mendova kurrë të jap dorëheqjen. Të kalosh Vettingun është sikur të kalosh ?varrin për së gjalli?. Reforma është e rëndësishme. Që nga muaji mars Gjykata Kushtetuese nuk funksionon dhe politika duhet të gjejë zgjidhje për këtë. Nëse të gjithë s?e meritojnë le të largohen, por sipas ligjit e Kushtetutës?.

Kjo ka qenë deklarata e Kryetarit të Gjykatës së Kushtetuese Bashkim Dedja pas konfirmimit në detyrë.

Më 13 Korrik, Komisioni i Pavarur i Kualifikimit dha vendimin për konfirmimin në detyrë të kryetarit të Gjykatës Kushtetuese Bashkim Dedja.

Por, Dedja do të jetë i detyruar ta kalojë edhe një herë tjetër “varrin për së gjalli”.

Operacioni Ndërkombëtar i Monitorimit ka kërkuar apelimin në KPA të vendimit të KPK-së, që konfirmoi në detyrë kryetarin e Gjykatës Kushtetuese.

Në fakt konfirmimi në detyrë i kryegjyqtarit Dedja, ishte i habitshëm për opinionin publik, pasi vetë KPK, kishte konstatuar probleme në dosjen e tij.

Sipas KPK ?së, Dedja kishte mungesa ligjore në dokumentet e depozituara si prova për të vërtetuar burimin e pasurive të tij.

Gjyqtari kishte deklaruar apartament dhe garazh në Tiranë dhe burimi i kësaj pasurie, ishte një hua, një borxh i marrë te vëllai dhe kunati, si dhe kursimet e tij. Problemi qëndronte tek huaja, pasi dokumenti për të vërtetuar se kunati kishte aftësi paguese kishte mangësi ligjore.

Edhe për një apartament tjetër në Tiranë, Dedja kishte dhënë deklarata të ndryshme.

Kështu, në vitin 2003, ai deklaronte se apartamenti ishte 50% në pronësi të tij dhe 50% në pronësi të vëllait.

Ndërsa në deklaratën e Vettingut, ai kishte deklaruar se ishte 100% pjesë takuese e tij.

Probleme janë konstatuar edhe për një apartament në Golem, që ai ka dëklaruar se është i të vëllait. Por deklarata e tij u rrëzua nga KPK, pasi rezultonte se faturat e energjisë dhe kontratat për furnizim me energji elektrike ishte në emër të tij.

Mbetet ende enigmë se si pavarësisht këtyre problemeve Komisioni i Vettingut e rikonfirmoi ne detyrë, por tashmë fati i Dedjas do të jetë në duart e Komisionit të Posaçëm të Apelimit./CNA.al

Bashkim Dedja drejt shkarkimit/ Vëllezërit ?fundosin?, kryegjyqtarin e Kushtetueses

Prapaskenat e kontrollit/ Bashkim Dedja përçan Vetingun, relatorja: Të shkarkohet