E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Gjyqtarët dhe prokurorët në panik/ Ndërkombëtarët, gati listën e shkarkimeve

11 Gusht 2018, 08:23, Aktualitet CNA

Ndërkombëtarët kanë futur në panik drejtësinë dhe politikën. Pas dy kërkesave të dërguara dy ditë më parë për të apeluar pranë Kolegjit të Posaçëm të Apelimit vendimin ndaj gjyqtarit Gentian Medja dhe prokurorit Gentian Osmani, ONM i kërkoi sërish dje Komisionerit Publik që të apelojë dhe vendimin e KPK ndaj gjyqtarit Artur Malaj.

Gjyqtari Artur Malaj edhe pse u konfirmua në detyrë, gjatë seancës dëgjimore që zhvilloi KPK, u përplas ashpër me përfaqësuesit e ONM pasi kjo e fundit pikasi pasaktësi serioze në deklarimin e pasurisë, shkruan gazeta Sot.

Por përmes këtij veprimi, ndërkombëtarët kanë treguar edhe njëherë se edhe pse shumë subjekte mund ta kalojnë vetingun për shkak të lidhjeve politike që mund të kenë, ata nuk do ta lejojnë një gjë të tillë.

Operacioni Ndërkombëtar i Monitorimit ka treguar dje se asnjë i korruptuar nuk do të mund t?i shpëtojë dot procesit të vetingut.

Edhe pse KPK konfirmoi në detyrë nga 48 subjekte që ju nënshtruan procesit të verifikimit në fazën e parë të vetingut, 27 dhe ngeli 21, ONM gjatë këtyre ditëve i ka kërkuar Komisionerit që të shkarkohen dhe 5 subjekte të tjerë.

Ndërkohë që nga ana tjetër dhe komisioneri ka kërkuar shkarkimin e gjyqtarit të Gjykatës së Lartë, Edmond Islamaj. Ndërsa ONM ka kërkuar shkarkimin nga detyra të 4 gjyqtarëve dhe 1 prokurori.

Më konkretisht, OMN i ka drejtuar kërkesë Komisionerit për të kërkuar shkarkimin nga detyra të kreut të Gjykatës Kushtetuese, Bashkim Dedja; kreut të Gjykatës së Lartë, Xhezair Zaganjorit; gjyqtarit Gentjan Medja dhe Artur Malajt.

Ndërkohë që ka kërkuar gjithashtu dhe shkarkimin e prokurorit që po heton ish-ministrin e Brendshëm Saimir Tahirin, Gentian Osmani.

Të gjashtë këto subjekte edhe pse u konfirmuan në detyrë, u gjetën me shkelje nga ana e Komisionit të Pavarur të Kualifikimit. Por teksa pritet që Komisioneri Publik, pas kërkesës së ONM, të ankimojë vendimet pranë Kolegjit, klasa politike duket se është përfshirë nga paniku.

Kjo për faktin se ndërkombëtarët kanë dërguar një mesazh të qartë ndaj klasës politike dhe të gjithë të korruptuarve se kur të ngrihet SPAK asnjëri prej tyre nuk do t?ia hedhë dot paq nga zullumet që kanë bërë deri më tani.

Madje një gjë të tillë ata po e tregojnë edhe në këto momente, ku nuk po lejojnë asnjë gjyqtar dhe prokuror që tia hedh paq procesit të vetingut.