web counter
LEXO PA REKLAMA!

SHKARKO APP

App Store
Google Play

Krimi i tetëfishtë/ Versioni zyrtar i Policisë

11 Gusht 2018, 10:04, Aktualitet CNA

Policia e Vlorës vijon hetimet për zbadhjen plotë të rrethanave të ngjarjes që shkaktuan masakrën e djeshme në Selenicë.

Ritvan Zykaj, 24-vjeç ekzekutoi me kallashnikov tetë të afërm të tij duke i lënë të vdekur në vend, mes tyre dhe dy fëmijë.

Mëngjesin e sotëm autori i ngjarjes është vënë në pranga dhe është bërë shoqërimi i tij në komisariatin e Vlorës, ku ka dhënë edhe dëshminë.

Referuar dëshmisë së tij, dyshohet se ngjarja ka ndodhur për motive banale, pasi viktimat e akuzonin për vjedhje.

Njoftimi i plotë:

Informacion shtese

Në lidhje me ngjarjen e rëndë të ndodhur mbasditen e datës 10.08.2018, ku u vranë me armë zjarri 8 pjestarë të dy familjeve ju informojme se:

Grupi hetimor me ekspertë të Policisë Kriminale të  DVP Vlorë dhe të Departamentit të Policisë Kriminale në bashkëpunim me Prokurorinë e Rrethit Gjyqësor Vlorë, po vijojnë  hetimet lidhur me motivin e plotë të krimit të kryer prej 24 vjeçarit në fshatin Resulaj.

Qe prej momentit qe u shoqërua në ambjentet e DVP Vlorë, autori po pyetet në disa seanca nga strukturat policore përkatëse mbi rrethanat e krimit.

Nga hetimet e deri tanishme dhe nga deklarimet paraprake të shprehura prej tij, ka rezultuar se e ka kryer aktin kriminal për motive të dobëta/banale, (autori është shprehur se pjestarë nga dy familjet Zykaj e kanë akuzuar për vjedhje).

Lidhur mbi këtë por edhe në pista të tjera Policia po vijon hetime të imtësishme deri në zbardhjen e plotë të rrethanave të ngjarjes. /CNA.al





Lajmet e fundit nga