web counter
LEXO PA REKLAMA!

SHKARKO APP

App Store
Google Play

Fatmir Xhafaj i rrethuar nga kufomat/ Bie Ministria e Brendshme

11 Gusht 2018, 09:27, Aktualitet CNA

Kufoma që mbushin rrugët, qytetet, fshatrat, oborret e shtëpive, janë pamjet horror që kanë pushtuar Shqipërinë. Nuk jemi në luftë, për të pasur këtë bilanc tragjik, por thjesht mungon dora shtetit.

Krimi, ka ?kapur? për fyti Ministrin e Brendshëm Fatmir Xhafaj dhe nuk e lëshon e bashkë me të mban peng dhe postin e tij.

Dje, i gjithë vendi është shokuar. Kasaphanë në mëngjes, kasaphanë në mbrëmje nga veriu në jug. Nëntë është numri i viktimave të regjistruar ditën e djeshme, pas ekzekutimeve makabre.

Një në Shkodër dhe tetë në Vlorë, mbyllën bilancin tragjik të ditës, por jo bilancin ministror të Fatmir Xhafajt.

Për ministrin Xhafaj, sigurisht që ende vazhdon të ketë rend dhe qetësi, edhe pse policisë së tij, iu deshën 12 orë për të arrestuar vrasësin e e tetëfishtë.

Pasi vrasësi (i çmenduar apo jo), u tall me ta në rrjetet sociale, madje nuk la mënjanë as kryeministrin e Edi Rama, u trumbetua arrestimi i tij.

Për 12 orë zona e Selenicës në Vlorë ishte në panik dhe ankth.

Lufta bëhej një kundër gjithë shtetit.

Jo vetëm Selenica, Vlora por e tërë Shqipëria mbajti frymën, pasi vrasësi ishte i lirë, ndërsa Ministri Xhafaj i vinte rrotull vendi të krimit.

12 orët e ankthit, ndër të tjera vërtetuan se sa shtet të brishtë që kemi, dhe sa lehtë sfidohet.

Këto 12 orë treguan dhe vërtetuan se qytetarët nuk janë të sigurtë, nëse vendi ynë shenjëstrohet nga sulme terroriste dhe jo vetëm.

Këto 12 orë, treguan se Ministria e Brendshme ka rënë dhe nëse do të kishte pak ndërgjegje Xhafaj duhej të jepte dorëheqjen, sëpaku sot në mëngjes.

Sikur mos të llogariste kufomat e përditshme, por vetëm tragjeditë e djeshme, ministri Xhafaj, duhej të kishte gjetur kurajon për të reaguar.

Por, fatkeqësisht, kur  gjaku i tetë familjarëve të Selenicës, në mes tyre dy fëmijëve është ende i patharë, Xhafaj qëndron në detyrë, sikur të mos kishte ndodhur asgjë.

Thënë më qartë, kemi vetëm ligjërisht një Ministri të Brendshme, pasi faktikisht ajo ka rënë që mbrëmë bashkë me Xhafajn./CNA.al

 

 





Lajmet e fundit nga