E fundit!

19:08 Aktualitet

Zhvillohet sot protesta e 49-të kundër qeverisë

Këtë të shtunë po zhvillohet protesta qytetare e 49-të...

"Ministrat arrogantë dhe prepotentë"/ Ja kur priten ndryshimet në qeveri

17 Korrik 2018, 07:43, Aktualitet CNA

Kryeministri Rama ka qën i ashpër dhe shumë kritik ndaj ministrave të kabinetit të tij qeveritar gjatë mbledhjes së djeshme të grupit parlamentar socialist.

Kreu i qeverisë ka shprehur pakënaqësi për punën e tyre, dhe ka kërkuar nga ministrat që të jenë më të përgjegjshëm, pasi sipas tij, janë kthyer arrogantë dhe s?pyesin as për njeri. Arrogancë kjo që është vënë në dukje edhe në raportet brenda partisë, ku në disa raste edhe pse ka një marrëveshje parti-grup parlamentar-qeveri, anëtarë të kabinetit hezitojnë t?ju hapin telefonat kolegëve të tyre deputet. Për këtë arsye, i pari i qeverisë iu ka bërë thirrje ministrave që të reflektojnë dhe të mos tregohen arrogantë, ndërsa i ka urdhëruar që të shtojnë kontaktet jovetëm me deputetët por edhe me bazën e elektoratin socialist.-raporton gazeta Sot.

Gjithashtu një tjetër çështje tek e cila e ka ndalur theksin kryeministri Edi Rama ka të bëjë me mbledhjen e paralajmëruar të Asamblesë socialiste. Edhe pse ishte paralajmëruar se në muajin korrik do të mblidhej Asambleja e PS, ku do të diskutohej rreth turit të llogaridhënies, ndërsa do të analizoheshin edhe 3 raportet e përgatitur nga baza, deputetët dhe qeveria, me qëllim pasqyrimi i punës së çdo ministrie. Por kryeministri ka ndryshuar qëndrim, duke shtyrë mbledhjen e Asamblesë për në shtator.

Shkak për këtë, është vendim i marrë për të shtyrë edhe për pak javë turin e llogaridhënies me qytetarët. Edhe pse zyrtarisht ky tur e kishte mbyllur misionin e tij në fund të qershorit, mësohet se ishin rreth 40 zona në të cilat llogaridhënia nuk kishte zbritur. Kështu që u vendos që edhe në këto zona të zhvillohej turi. Mirëpo, shtyrja e Asamblesë për në shtator, duket se ka zgjatur edhe për një muaj vendimin e kryeministrit për rifreskimin e kabinetit qeveritar. Ç?ka do të thotë se në shtator pritet që të shohim edhe ndryshimet në qeveri. Megjithatë, na duhet të presim shatorin për të parë se çfarë do të ndodhë më konkretisht.