web counter
LEXO PA REKLAMA!

SHKARKO APP

App Store
Google Play

Anija e dyshuar për kontrabandë bllokohet në Kroaci

13 Korrik 2018, 08:20, Aktualitet CNA

Kroacia ka sekuestruar anijen siriane ?Seascaner? që u largua pa njoftim dhe pa plotësuar asnjë dokument nga Porti i Durrësit një javë më parë.

Pasi autoritetet shqiptare dhanë alarmin për ndalimin e anijes në vendet fqinje, ?Seascaner? është bllokuar në portin e Rijekës në Koraci.

Gjithashtu me vendim të gjykatës pronarit i janë bllokuar edhe 195 mijë euro si garanci deri në përfundim të procesit të hetimit, të cilat ekzekutohen nëse anija do të largohet si në portin e Durrësit.

Anija, që aktualisht ndodhet në portin e Rijekës, akuzohet se ka shkelur kodin ndërkombëtar detar. Për të zgjidhur çështjen do të bëhet gjyqi në arbitrazhin detar. Përpos çështjes së largimit pa njoftim nga Durrësi, një tjetër problem që pritet të zgjidhet është ai mes kompanisë shqiptare që humbi mallin dhe anijes.

Shqiptarja.com shkruan se anija ?Seascaner? me flamur të Sierra Leones kishte sjellë më 26 qershor 6 mijë tonë kripë në Durrës. Sipas Drejtorit të Përgjithshëm të Drejtorisë Detare, Paulin Ndreu, pas shkarkimit të sasisë 5500 ton, drejtuesit e anijes kanë hyrë në konflikt me pritësin e mallit, i cili nuk ka pranuar të marrë pjesën e mbetur prej 500 ton kripë, pasi ka rezultuar se ajo ka qenë përzier me qymyr. Palët nuk kanë rënë dakord për sasinë e mbetur të kripës 500 ton.

Ndërkohë për të mos penguar shkarkimin e anijeve të tjera që prisnin anija “Seascaner?”ka dalë në Radën e Portit Durrës, prej nga ku u largua pa njoftim dhe pa plotësuar asnjë dokument në orën 3:00 të mëngjesit të së shtunës së javës së kaluar. Ky largim pa njoftuar ngriti një sërë dyshimesh se çfarë ka patur tjetër në bord, përveç ngarkesës së deklaruar. Në të shkuarën trafikantët e qenieve njerëzore kanë përdorur dhe vijojnë të përdorin mjetet e lundrimit për trafikun e refugjatëve.





Lajmet e fundit nga