Opozita në panik për rrjedhje votash/ Zbardhet plani për të bojkotuar votimin e ligjit për KLD

13 Korrik 2018, 08:10, Aktualitet CNA

Opozita duket se po mendon që të bojkotojë edhe punimet e seancës së ardhshme parlamentare. Pas deklaratave të kreut të grupit parlamentar të PS, Taulant Balla se mazhoranca ka nisur bisedimet me LSI për miratimin e ligjit për magjistratët, opozita ka nisur t?i frikësohet faktit se brenda saj mund të ketë rrjedhje votash. Ashtu si në seancën e të hënës, ku në seancë u panë vetëm dy krerët e grupeve parlamentare, ai i PD dhe LSI, edhe në seancën pasardhëse në kampin blu po aludohet që të përdoret i njëjti skenar në mënyrë që mazhoranca të mos ketë mundësi për të miratuar ligjin për magjistratët. Por krahas këtij skenari në kampin blu po diskutohet gjithashtu edhe skenari që opozita të marrë pjesë në seancë dhe ta braktisë atë në momentin kur të zhvillohet votimi.

Sipas informacioneve, Basha me Kryemadhin, i tremben idesë se deputetë nga radhët e tyre mund të bashkojnë votat me mazhorancën ashtu si në momentin kur Gramoz Ruçi u zgjodh në krye të Kuvendit. Madje në kuadër të këtij shqetësimi, vetë LSI, e cila gjatë ditëve të fundit ka pasur dhe eksode largimesh drejt PS, ka nisur të ushtrojë presion ndaj deputetëve për të evituar kontaktet me socialistët. Pas deklaratave të Kryemadhit dhe Vasilit, dje ka qenë ish-ministri i Drejtësisë, deputeti Nasip Naço, i cili gjatë një reagimi të dhënë për një media tjetër, deklaroi se vetëm pazarxhinjtë mund të bashkëpunojnë me PS. Naço tha se deklaratat e Ballës për negociata janë spekulim dhe se LSI nuk do të bëj kompromis me PS. ?Unë besoj së është spekulim i radhës siç ishte spekulim dhe votimi i radhës që u votua nga deputetë të tjerë dhe iu faturua deputetëve të Lëvizjes Socialiste për Integrim. Nuk do të gjejë deputetë do thosha europian por pazarxhinjë mund të gjejë në të gjitha forcat politike, por nuk do të gjejë të Lëvizja Socialiste për Integrim?, u shpreh Naço.

LSI i vë kushte PS për bashkëpunimin

Ligji i Magjistratëve ka bërë që LSI t?i vendos kushte Partisë Socialiste për të bashkëpunuar. Vetë deputeti i LSI, Nasip Naço deklaroi dje se forca e tij politike do të kushtëzojë votën me PS vetëm në momentin që mazhoranca të marrë parasysh propozimet e LSI për ligjin e koncesioneve. Naço tha se LSI nuk mund të jap konsensus për çdo gjë që kërkon mazhoranca nëse nuk merren parasysh edhe propozimet e deputeteve të opozitës.?Para dy vitesh Lëvizja Socialiste për Integrim, grupi i saj parlamentar ka depozituar në Kuvend ligjin ?Për koncesionet?, i ndryshuar. E çfarë kërkojmë ne? Ne kërkojmë që të ndryshojmë dy nene, ku çdo koncesion i dhënë për katër vjet të diskutohet dhe kontrata të vijë në Kuvend. Nuk është marrë parasysh nga mazhoranca sepse interesi i tyre janë koncesionet në çdo rast dhe sigurisht që nuk mund të japim dhe ne konsensusin për çdo gjë që kërkon mazhoranca kur ata nuk bashkëpunojnë me pjesën tjetër të opozitës?, tha Naço.

Sakaq, Naço u ndal edhe tek ligji për magjistratët. Ai tha se ndryshimet e propozuara nga mazhoranca janë abuzive pasi u hoq viti akademik. ?Ishte parashikuar sipas propozimit të shkollës numri 25 student. Dhe u propozua nga deputetët e mazhorancës që ky numër të ishte 50 studentë. Mund të ishte dhe 70 dhe 30 por nuk është bërë një studim. Por duke menduar që çdo anëtar i mazhorancës mund të fusë hallën, nipin apo kurdo që ta ketë nesër në avancë për të bërë emërimet, sepse nga kjo shkollë do dalin prokurorë dhe gjyqtarë sigurisht që ky numër u propozua nga 25 në 50 sepse sot është mazhoranca ajo që kontrollon të gjithë sistemin e drejtësisë. Dhe ajo që më bëri të votoja kundër nenit 2, ishte se hoqën vitin akademik?, tha Naço.