web counter
LEXO PA REKLAMA!

SHKARKO APP

App Store
Google Play

E fundit!

x

Gjyqtarët e korruptuar/ Këshilli i Europës "shuplakë" Metës

13 Korrik 2018, 07:53, Aktualitet CNA

Grupi i Shteteve të Këshillit të Europës kundër Korrupsionit, ?GRECO?, ka kërkuar që të intensifikohet lufta antikorrupsion në Shqipëri. Ky institucion ka publikuar dje raportin vjetor për vendin tonë, ku bën një analizë se sa janë përmbushur detyrat e vëna ndaj autoriteteve shqiptare. Nga 10 rekomandime, vetëm 4 janë realizuar tërësisht, ndërsa theksi vihet te sistemi i drejtësisë. GRECO ka kërkuar zbatim më të shpejtë të vetingut dhe ngritje të organeve te reja. Por gjithashtu një vëmendje i është kushtuar dhe Këshillit të Lartë të Drejtësisë, ku ka pasur kritika sa i takon ecurisë së tij në vlerësimin e gjyqtarëve.

Në raport thuhet se raundi i parë i vlerësimit të gjyqtarëve për vitin 2005-2006 është mbyllur në 2014 për 279 gjykatës, kurse rivlerësimi i dytë për 2007-2009 u krye në 2017 për 296 emra. Rivlerësimi i tretë 2010-2012 është në vazhdim dhe 18 gjykatës e një inspektor janë vlerësuar deri tani. Por për KiE ky proces është shumë i vonuar. ?Për pjesën e dytë të rekomandimit, GRECO thekson se diferenca mes viteve të referimit dhe raundeve të rivlerësimit të gjykatësve, mbetet shumë e madhe, pasi rivlerësimi i vitit 2018 trajton periudha të viteve 2010-2012. Megjithëse është nisur në paralel rivlerësimi për 2013-2015, diferenca është shqetësuese pasi mbetet një barrë e madhe pune e prapambetur. Prandaj kjo pjesë e rekomandimit konsiderohet pjesërisht e plotësuar?, thuhet aty.

Një tjetër detaj interesant është se GRECO ka përshëndetur ndryshimet në ligj që kufizojnë rolin e presidentit në drejtësi. Sipas tyre, është për t?u përshëndetur që tani është KLGJ që ka në dorë kandidatët për në Gjykatën e Lartë. ?Në lidhje me gjyqtarët, një reformë e madhe gjyqësore është në vazhdim e sipër që nga viti 2014 dhe po ashtu është një proces verifikimi për gjyqtarët me qëllim luftën kundër korrupsionit në gjyqësor. GRECO përshëndet që, si pjesë e paketës së reformës, roli i Presidentit të Republikës është kufizuar në emërimin formal të gjyqtarëve të Gjykatës së Lartë me propozimin e Këshillit të Lartë Gjyqësor, i përbërë nga një shumicë e gjyqtarëve të zgjedhur nga kolegët e tyre?, thuhet në raport.

Vlerësimet e GRECO

GRECO e mirëpret si një hap të rëndësishëm përpara miratimit në Prill të vitit 2018 të Kodit të Sjelljes për anëtarët e Parlamentit, duke mbuluar çështje të tilla si konfliktet e interesit; aktivitete shtesë; dhurata; dhe kufizimet pas punësimit. ?Konfliktet e interesit duhet të deklarohen nga deputetët kur ato lindin dhe një procedurë gjithashtu përcaktohet për të siguruar që kontaktet e deputetëve me palët e treta gjatë procesit legjislativ të raportohen, regjistrohen dhe bëhen publike. Megjithatë, GRECO keqëson mungesën e qartësisë në lidhje me zbatimin e këtyre rregullave dhe sanksioneve në rast të shkeljes, të cilat nuk përmenden shprehimisht në tekstin e Kodit të Sjelljes dhe nënvizon nevojën për një mekanizëm zbatimi, duke përfshirë sanksionet, për të bërë kodin efektiv. Asambleja Kombëtare po planifikon të zhvillojë udhëzime për të hedhur dritë mbi rregullat e përfshira në Kodin e Etikës, por ato ende duhet të miratohen. Ndërgjegjësimi dhe trajnimi i deputetëve për këto rregulla ende janë duke u definuar?, thuhet aty.

Raporti gjithashtu pranon si një hap pozitiv që periudha e kontrolleve të deklaratave të deputetëve të mjeteve është shkurtuar dhe se ato publikohen në një faqe zyrtare.





Lajmet e fundit nga