web counter
LEXO PA REKLAMA!

SHKARKO APP

App Store
Google Play

E fundit!

x

Meta nxit palët për bashkëpunim / Një vit kalon shpejt

27 Qershor 2018, 10:18, Aktualitet CNA

Presidenti i vendit, Ilir Meta, ka reaguar në lidhje me shtyrjen e hapjes së negociatave për Shqipërinë në qershorin e ardhshëm.

Sipas Metës, duhet të çmojmë vullnetin me të cilin Komisioni Evropian dhe vendet anëtare mirëpresin integrimin e Shqipërisë dhe rajonit.

Presidenti ka shtuar se kjo qasje, duhet të na nxisë për një lexim të drejtë të sfidave që kemi përpara, në forcimin e ligjit.

Meta ka kërkuar gjithashtu, bashkëpunimin e të gjitha palëve, duke thënë se një vit kalon shpejt.

 

Postimi i plotë

Konkluzionet e djeshme të Këshillit për Çështjet e Përgjithshme mbi negociatat e anëtarësimit të Shqipërisë me Bashkimin Evropian duhen mirëpritur me realizëm dhe përgjegjshmëri.

Ne të gjithë duhet ta vlerësojmë dhe çmojmë vullnetin pozitiv me të cilin si Komisioni Evropian ashtu edhe të gjitha vendet anëtare, e mirëpresin procesin e integrimit të Shqipërisë dhe gjithë rajonit në BE.

Kjo qasje duhet të na nxisë për një lexim të drejtë dhe realist të sfidave serioze që kemi përpara, veçanërisht në fushën e sundimit të ligjit.

Një vit kalon shpejt, ashtu si nga dje kaloi një ditë.

Provimi ynë i qershorit të ardhshëm do të jetë shumë i vështirë e kërkues pasi edhe vetë Bashkimi Evropian do të ketë provimin e tij zgjedhor në të njëjtën kohë.

Ndaj, i ftoj të gjithë për përqendrim, përgjegjësi dhe bashkëpunim. /CNA.al





Lajmet e fundit nga