E fundit!

12:30 Aktualitet

Pastrimi i parave në ndërtim/ Kreu i SPAK-ut: Kemi kompani nën hetim

Kreu i SPAK-ut Klodjan Braho ka deklaruar se janë kryer tr...

“Shiu shpëton Teatrin Kombëtar”? / Avokati i njohur zbërthen “ekuacionin”

27 Qershor 2018, 08:02, Aktualitet CNA

Avokati Altin Goxhaj ka reaguar sërish në lidhje me çështjen e Teatrit Kombëtar.

Në një postim në faqen e tij në rrjetet sociale, Goxhaj shkruan se nëse do bëhej një kallëzim penal ndaj firmës FUSHA SHPK për përmbytjet te Bashkia dhe Biblioteka kombëtare, do të pezullohej projektligji për shembjen e Teatrit.

Sipas Goxhaj, ?duke qenë se pr.ligji i cakton tagrin Firmës Fusha shpk që të marrë Teatrin dhe duke qenë se sipas legjislacionit shqiptar nuk lejohet lidhja e kontratave me subjekte që janë në proçedim penal apo janë të dënuara për vepra penale që lidhen me zbatimin e punëve publike dhe duke qenë se Firma Fusha shpk i ka kryer veprat penale si pasojë e ndërhyrjes dëmtuese në rrjetin e kanalizimeve nëntokësore ka sjellë përmbytjen e kateve nëntokësore të Bibliotekës Kombëtare dhe Bashkisë Tiranë duke dëmtuar vepra kulturore dhe dokumentacion të rëndësishëm shtetëror, sjell që një Proçedim Penal i ardhur nga një Kallzim Penal do të pezullonte çdo Projektligj me subjekt Firmën Fusha shpk?.

Postimi i plotë:

KALLZIMI PENAL NDAJ FIRMËS FUSHA SHPK PËR PËRMBYTJET TE BASHKIA DHE BIBLIOTEKA KOMBËTARE do të pezullonte projektligjin për shembjen e teatrit nga Firma Fusha shpk!!!

Ja me foto (nga Dajci Tirones) si më erdhi Ideja e Shkëlqyer që do prezantoj nesër te Protesta e Teatrit ?

Duke qenë se ProjektLigji i Rama & Veliaj & Kumbaro & Fusha i cakton tagrin Firmës Fusha shpk që të marrë Teatrin dhe duke qenë se sipas legjislacionit shqiptar nuk lejohet lidhja e kontratave me subjekte që janë në proçedim penal apo janë të dënuara për vepra penale që lidhen me zbatimin e punëve publike dhe duke qenë se Firma Fusha shpk i ka kryer veprat penale si pasojë e ndërhyrjes dëmtuese në rrjetin e kanalizimeve nëntokësore ka sjellë përmbytjen e kateve nëntokësore të Bibliotekës Kombëtare dhe Bashkisë Tiranë duke dëmtuar vepra kulturore dhe dokumentacion të rëndësishëm shtetëror, sjell që një Proçedim Penal i ardhur nga një Kallzim Penal do të pezullonte çdo Projektligj me subjekt Firmën Fusha shpk (nga Drejtoria e Kodifikimit të Ministrisë së Drejtësisë nëse nuk do t’a bënte vetë Ministria e Kulturës) ?

Neni 153
Shkatërrimi i pronës me përmbytje
Shkatërrimi apo dëmtimi me dashje i pronës me përmbytje dënohet me gjobë ose me burgim gjer në pesë vjet.
Kur nga vepra penale kanë ardhur pasoja të rënda materiale, dënohet me burgim nga pesë gjer në dhjetë vjet.

Neni 230
Vepra me qëllime terroriste
Kryerja e veprave të mëposhtme, me qëllim përhapjen e panikut në popullatë ose për të detyruar organe shtetërore, shqiptare ose të huaja, të kryejnë ose të mos kryejnë një akt të caktuar, ose për të shkatërruar apo destabilizuar, në mënyrë serioze, struktura thelbësore politike, kushtetuese, ekonomike ose sociale të shtetit shqiptar, të një shteti tjetër, institucioni apo organizate ndërkombëtare, dënohet me burgim jo më pak se pesëmbëdhjetë vjet ose me burgim të përjetshëm.
Veprat me qëllime terroriste përfshijnë:
ll) ..shkaktimin e përmbytjeve.. me qëllim shkaktimin e shkatërrimeve masive të vendeve, mjediseve ose sistemeve të lartpërmendura, kur ky shkatërrim sjell a mund të sjellë humbje të mëdha ekonomike;

Neni 160
Shkatërrimi i veprave kulturore
Shkatërrimi apo dëmtimi me dashje i veprave kulturore dënohet me gjobë ose me burgim gjer në tre vjet.
Kur nga vepra penale janë shkatërruar apo dëmtuar vepra kulturore me rëndësi kombëtare, dënohet me gjobë ose me burgim nga dy gjer në tetë vjet.

Neni 161
Shkatërrimi i pronës nga pakujdesia
Shkatërrimi apo dëmtimi nga pakujdesia i pronës, kur ka sjellë pasoja të rënda materiale, dënohet me gjobë ose me burgim gjer në tre vjet.