E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Maqedonia dhe Greqia fillojnë bisedime për lirim të roamingut

26 Qershor 2018, 20:49, Aktualitet CNA

Ministri i Shoqërisë Informatike dhe Administratës së Maqedonisë Damjan Mançevski dhe ministri grek për Politikë Dixhitale, Telekomunikime dhe Media Nikos Papas dhe operatorë të telekomunikimeve nga Maqedonia dhe Greqia muajin e ardhshëm do të mbajnë takim për zgjidhje konkrete dhe kornizë kohore që të fillojë procedura për zvogëlim të çmimeve të roamingut ndërmjet Greqisë dhe Maqedonisë.

Pajtueshmëri për këtë është arritur në takimin e sotëm të ministrave Mançevski dhe Papas në Sofje, kumtoi Ministria e Shoqërisë Informatike dhe Administratës së Maqedonisë.

Mançevski e ka informuar Papas për memorandumin për bashkëpunim dhe aktivitetet e parapara për zvogëlim të çmimeve për roaming me Bullgarinë, si parim i cili mund të zbatohet edhe me Greqinë.

?Dy ministrat u pajtuan që së bashku me operatorët nga Maqedonia dhe Greqia, të takohen në Maqedoni, në fund të muajit të ardhshëm do të bisedohet për zgjidhje konkrete dhe kornizë kohore që të fillojë procedura për zvogëlim të çmimeve. Ministri Papas potencoi se kjo do të ishte e rëndësishme për qytetarët, nëse e kanë parasysh numrin e madh të qytetarëve të Greqisë dhe Maqedonisë të cilët udhëtojnë në të dyja vendet?, thuhet në kumtesën e MSHIA.

Siç ka theksuar ministri Mançevski, bëhet fjalë për zgjidhje nga të cilat efektet do t?i ndjenjë të gjithë qytetarët dhe për këtë ekziston vullnet i fortë që kjo të realizohet edhe në praktikë.

Ministri Papas iu referua edhe përvojës së Greqisë në pjesën e digjitalizimit të administratës dhe të bujqësisë. Nga MSHIA tregojnë se ekziston interes nga ana e Greqisë që t?i ndajnë praktikat e tyre më të mira në ato lëmi, për çka gjithashtu do të bisedohet në korrik në Maqedoni. Qëllimi i takimeve të kontraktuara është që të fillohet me aktivitete dhe projekte konkrete dhe definimin e kushteve të nevojshme për realizim të tyre.

Mançevski në Sofje po merr pjesë në Asamblenë Dixhitale 2018 me çka filloi Axhenda Dixhitale për Ballkanin Perëndimor të Bashkimit Evropian.