E fundit!

13:07 Aktualitet

Pasuritë e zyrtarëve të akuzuar për korrupsion/ Braho: Ja kur duhet të sekuestrohen

Kreu i SPAK, Klodjan Braho, deklaroi se institucioni ka nj...

Grida Duma tregon çfarë fshihet pas vendimit për negociatat

26 Qershor 2018, 19:27, Aktualitet CNA

Pas vendimit për hapjen e negociatave, ka reaguar deputetja e Partisë Demokratike, Grida Duma.

Në një postim në rrjetet sociale, Duma shkruan se ky vendim i sotëm nuk është shtyrje e negociatave, sikurse është thënë, por mbyllje e tyre.

Sipas saj hartimi i një dokumenti me një sërë kushtesh është prova që BE nuk kanë më besim tek qeveria shqiptare.

Postimi i plotë:

Vendimi mbi negociatat për një dokument të ri deri në Qershor të 2019, është një sinjal i pastër rreziku i gjendjes së vendit.

Bashkimi Europian ka hartuar një dokument të ri.

Ky dokument i ri është qartazi një kushtëzim i fortë. Pakte dhe dokumenta të tilla bëhen detyruese vetëm kur qeveritë duket qartazi që po fshehin realitetin me dokumenta e raporte fiktive.

Fakti që kërkohet monitorim dhe kushtëzime në një dokument të ri duke thënë: ?të shohim dhe një vit tjetër çfarë ndodh?, provon se kjo është koha që i ka mbaruar qeverisë shqiptare dhe humbja e një shansi të fundit.

Kjo nuk është shtyrje por mbyllje e negociatave, verdikti aktual është jo!

Ora që i kanë vënë kësaj qeverie është dhe një vit me kushte të rënda me kontroll të rëndë duke treguar që BE s?ka besim.

Hartimi i këtij dokumenti është prova që nuk ka më besim tek qeveria shqiptare dhe që ka filluar të numërohet ora pas.

Nëse do ishte një situatë e vetëm mosplotësimit të reformave atëhere BE do të thoshte ?ridiskutojmë në 2019?.

Jo, situata është e rrezikshme sepse është hartuar një dokument i ri për të thënë ?nuk ka më ku të lëvizni nga detyrimet, ja ku i keni?.

Sigurisht arsyet që çojnë në dokumenta të tilla janë gjithmon? tregues i një alarmi.

Dhe këto arsye nuk janë ato të zakonshmet por jashtë të zakonshmeve, arsye më të rënda se mos funksionim institucionesh, që do të thotë keqpërdorim institucionesh!”

Kujtojmë këtu se në komunikatën e BE thuhej ndër të tjera: “Këshilli kujton që vendimi për të hapur negociatat me Shqipërinë do t?i nënshtrohet përfundimit të procedurave parlamentare kombëtare dhe miratimit nga Këshilli Evropian dhe do të pasohet me shpejtësi nga Konferenca e parë ndërqeveritare deri në fund të vitit 2019, në varësi të progresit të bërë”. /CNA.al