web counter
LEXO PA REKLAMA!

SHKARKO APP

App Store
Google Play

E fundit!

x

"Skandali Xhafaj"/ Salianji, Bardhi dhe Olldashi rrezikojnë burgun?

20 Qershor 2018, 12:57, Aktualitet CNA

Kohë më parë Partia Demokratike nisi një aksion me denoncime të njëpasnjëshme në drejtim të ministrit të Brendshëm, Fatmir Xhafaj.

Me një aksion që dukej i mirëorganizuar, PD ditë pas dite publikoi fakte dhe dokumente, të cilat vërtetonin se Agron Xhafaj, vëllai i ministrit të Brendshëm, është dënuar nga drejtësia italiane për trafik ndërkombëtar droge.

Pas disa denoncimeve publike, PD publikoi edhe një audio-përgjim, në të cilin pretendohet se Agron Xhafaj shfaqet duke bërë pazare droge.

Kjo u trumbetua në media si skandali i radhës i qeverisë ?Rama?, dhe pritej largimi i ministrit Xhafaj, por hetimet e prokurorisë po i japin një tjetër rrjedhë ngjarjes.

Gazetari Jetmir Olldashi, deputeti i PD, Ervin Salianji dhe ish-ministri i Drejtësisë në qeverinë teknike, Gazment Bardhi do të përballen me ligjin.

Nga hetimet e deritanishme të organit të akuzës, rezulton se dëshmitë e tyre si dhe prova që kanë dorëzuar në prokurori, ku prentendohet se vëllai i Fatmir Xhafës bënte pazare droge, është një sajesë.

Ky të paktën është dhe varianti zyrtar i hetimit për këtë çështje.

Të pesë personazhet e këtij inskenimi kanë rolin e tyre.  Një skenar i cili pritet të zbardhet në konkluzionet e Prokurorisë së Krimeve të Rënda pas pak ditësh.

Marrja e akt-ekspertimit në Laboratorin e Kriminalistikës në Romë do ti vërë vulën njëherë e mirë kësaj çështje, e cila ka përfshirë politikën.

Ndërkohë, nga ana tjetër burimet bëjnë të ditur se në prokurori Jetmir Olldashi ka dorëzuar një përgjim jo autentik dhe se personi, i cili pretendohej se është Agron Xhafaj, është një tjetër aktor i skenarit.

Shumë shpejt çështja Babale mund të rezultojë në një përmbysje të hetimit, duke vënë përpara përgjegjësisë, personazhet që trumbetuan ?audio-skandalin?./ CNA.al





Lajmet e fundit nga