web counter
LEXO PA REKLAMA!

SHKARKO APP

App Store
Google Play

E fundit!

x

LSI drejt bashkimit me PS?/ Zbardhet aleanca e Kryemadhit me Veliajn

20 Qershor 2018, 12:17, Aktualitet CNA

Teatri Kombëtar vijon të mbetet tema më e nxehtë në debatin politik dhe jo vetëm.

Nga njëra anë socialistët të cilët vijojnë të këmbëngulin për prishjen e Teatrit Kombëtar, ndërkohë nga ana tjetër qëndrojnë aktorët të cilët kundërshtojnë prishjen e Teatrit Kombëtar dhe opozita e cila akuzon mazhorancën se pas këtij projekti qëndrojnë afera korruptive.

Në lidhje me po këtë çështje dje pati tensione të forta edhe në mbledhjen e Komisionit të Medias, ku pritej të raportonte ministrja e Kulturës, Mirela Kumbaro.

Prania në këtë takim edhe e kryebashkiakut të Tiranës, Erion Veliaj ka irrituar të djathtët, të cilët kërkuan që ai të largohej.

Kryetarja e Komisionit të Medias, Albana Vokshi disa herë kërkoi që Garda të nxirrte jashtë Veliajn, por kërkesa e saj nuk u plotësua. Pas kësaj deputetët demokratë u ngritën nga vendi dhe tentuan nxjerrjen e Veliajt me forcë nga mbledhja dhe situata degjeneroi deri edhe në përplasje fizike mes tyre dhe forcave të Gardës.

Por, një detaj tjetër që bie në sy në gjithë këtë ?betejë? është distancimi i LSI-së.

Në mbledhjen e djeshme të komisionit të Medias te vetmit që u “rebeluan” ishin deputetët demokratë, dhe jo ata të LSI-së.

Madje edhe kryetarja e LSI-së, Monika Kryemadhi e cila është gjithmonë shumë aktive në media me deklarata publike, është distancuar nga kjo çështje dhe nuk ka pasur një reagim të saj. Gjë që tregon për një aleancë të mundshme të kryetares së LSI-së, Monika Kryemadhi me kryebashkiakun Veliaj.

Nga ana tjetër, kujtojmë këtu se LSI në jo pak raste është shndërruar në ?komardare? shpëtimi për Erion Veliajn në Bashkinë e Tiranës.

Në disa raste, këshilltarët e LSI-së kanë ?shpëtuar? Veliajn duke votuar pro pr.ligjeve në Këshillin Bashkiak, dhe më pas Kryemadhi i etiketon si ?tradhëtarë? në media, por që në fakt është vetë ajo që urdhëron votimin pro.

Ndërkohë kujtojmë edhe një detaj tjetër, ish-deputeti socialist, Andis Harasani dje në një postim në rrjetet sociale, shkruante se ?Veliaj do ti kthejë nderin e votave socialistëve, duke ju sjellë LSI-në? në gjirin e saj.

E gjithë kjo që përmendem më sipër tregon për një aleancë mes Kryemadhit dhe Veliajt dhe ndoshta edhe vërtetë një bashkim të mundshëm LSI-së me PS-në./ CNA.al





Lajmet e fundit nga