E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Pas denoncimit të CNA/ Prokuroria rekomandon hetimet për Veliajn

20 Qershor 2018, 09:55, Aktualitet CNA

CNA.al, për disa ditë radhazi ka denoncuar genocidin e Bashkisë së Tiranës ndaj qenve endacakë.

Publikuam, fakte me foto dhe video që tregonin masakrimin e qenve endacakë nga Bashkia kryeqytetase.

Por skandali ishte më i thellë se kaq, pasi qentë endacakë jo vetëm masakroheshin, por njëherësh përdoreshin edhe si mundësi për të vjedhur qindra milionë lekë nëpërmjet tenderave abuzive.

Pas publikimit të skandalit për vjedhjen e milionave lekë me tendera nga Bashkia e Tiranës me justifikimin se duhen qentë endacakë, të cilët në fakt vriten dhe hidhen në varrezat e Sharrës, ka ardhur edhe reagimi i Organit të Akuzës.

Në një përgjigje, për CNA.al, Prokuroria e Shkallës së Parë në Tiranë, njofton, se i ka rekomanduar Policisë,që të nisë hetimet paraprake, ndaj Erion Veliajt, në cilësinë e kryebashkiakut.

?Ju informojmë se Prokuroria pranë Gjykatës së Shkallës së parë në Tiranë me shkresën nr 9470, datë 13,06,2018 i ka dërguar Drejtorisë Vendore të Policisë, materailin e publikuar nga ana juaj, me qëllim kryerjen e veprimeve verifikuese dhe referimin e çështjes në Prokurori?, thuhet në përgjigjen e Prokurorisë, e cila është firmosur nga kreu i organit të akuzës së Tiranës, Dritan Rreshka dhe drejtuesja e seksionit Mariola Mertiri.

Faktet

Në vitin 2016, Bashkia Tiranë, në muajin Maj shpall tenderin për ?Blerjen e mjeteve dhe medikamenteve mjekësore veterinare? në vlerën 95 milionë lekë me TVSH. Kjo shumë kontraktohet në 14 tetor nga Bashkia Tiranë. Pra për dy muaj e gjysmë Bashkia sipas specifikimeve duhet të sterilizonte dhe mjekonte të paktën 2500 qenë endacakë, sipas përcaktimeve të prokurimit dhe tabelës të mëposhtme.

Me shumën e prokuruar nga Bashkia Tiranë për dy muaj e gjysmë duhet të sterilizoheshin 2500 qenë endacakë, vlera për sterilizimin e një qeni shkon 39 mijë lekë, dhe duhen të paktën 48 qenë në ditë, çka fizikisht është e pamundur jo vetëm për kapacitetet që ka Bashkia e Tiranës, por edhe si mundësi për kapjen e tyre dhe grumbullimin në Klinikën Veterinare.
Pra tenderi më shumë se një investim serioz për të zgjidhur problematikën e qenve endacakë ka qenë një vjedhje e pastër dhe e strukturuar nga Bashkia Tiranë.

Në vitin 2017 shuma shkon në 208 milionë lekë, për sterilizimin e 4000 mijë qenve, vlera e një sterilizimin shkon në 52 mijë lekë. Në fakt vlera reale është disa herë më e ulet, gjë të cilën CNA.al do e vërtetojë me dokumente dhe fatura konkrete.

Çfarë ka ndodhur që sterilizimi u shtua si kosto me të paktën 30%?!

Në vitin 2018, përsëritet afërsisht shuma e 2017, pra 210 milionë lekë sërish për 4000 mijë qenë, por këtu mungon në listë medikamenti e eutanazisë që përdoret për vrasjen e qenve. Në vitin 2017 dhe 2018 ky medikament ishte ne sasi për të vrarë të paktën 3000 qenë.
Brenda këtyre tendave dhe specifikimeve gjen shumë detaje, si p.sh kërkohet sterilizimi për 4000 qen, blihen anestezi për 27 mijë qenë, blihet eutanazi për 2500 qenë, ndërkohë blihen 8 mijë vaksina dhe të gjitha këto kanë vetëm 550 shiringa./CNA.al

Video ekskluzive/ Qentë endacakë shfarosen për të vjedhur miliona

Ekskluzive – Bashkia e Tiranës kapet mat/ Ja si vjedhin fondet për qentë endacakë