web counter
LEXO PA REKLAMA!

SHKARKO APP

App Store
Google Play

Në konflikt interesi/ Ndëshkohen 112 zyrtarë të lartë  

20 Qershor 2018, 07:38, Aktualitet CNA

112 zyrtarë të lartë janë gjobitur gjatë vitit 2017 nga Inspektorati i Lartë i Deklarimit dhe Kontrollit të Pasurive dhe Konfliktit të Interesave, për shkak se kanë ushtruar detyrën në konflikt interesi.

Gazeta ?Sot? raporton se bëhet fjalë për zyrtarë që kanë përdorur postet e tyre për përfitime personale. Gazeta ka mësuar se shumë prej tyre, teksa kanë qenë në punë si zyrtarë të lartë, kanë pasur aktivitete private, kryesisht biznese që kanë përfituar nga shteti tendera apo benefite të tjera. Ndërkohë që gazeta mësoi se Inspektorati i Lartë i Deklarimit dhe Kontrollit të Pasurive dhe Konfliktit të Interesave ka ndalur plot 287 raste, përpara se zyrtarët e lartë të merrnin detyrën. Pra thënë më drejtë, ILDKP ka ndërhyrë në kohë, teksa informuar institucionet se këta persona janë në konflikt interesi, duke parandaluar kështu konfliktin e interesit.

Gjithashtu gazeta mësoi se qytetarët kanë pasur kontakte të drejtpërdrejta me institucionin e ILDKPI, duke e kontaktuar përmes numrit falas të vendosur nga vetë institucioni i drejtuar nga Shkëlqim Ganaj.

Pra, ILDKP në zbulimin dhe parandalimin e konfliktit të interesit sa i takon zyrtarëve të lartë, është ndihmuar edhe nga denoncimet e shumta të qytetarëve. Po ashtu, sipas burimeve ILDKP gjatë vitit që lamë pas, ka kryer verifikime për 5 mijë zyrtarë të lartë, ndërsa për rreth 1 mijë prej tyre ka pasur kontrolle të plota.





Lajmet e fundit nga