Miku i Edi Ramës kundër shembjes së Teatrit Kombëtar

19 Qershor 2018, 19:46, Aktualitet CNA

?Për mua, nuk duhet shembur. Aty ka katër probleme. Problemi i parë është i tokës, problemi i dytë është i teatrit, problemi i tretë është trashëgimia dhe i katërti projekti. Shpesh, mundohen t?i ngatërrojnë këto të katërta, ndonëse ato janë probleme veç e veç. Për mua, ajo tokë i duhej dhuruar Teatrit, për faktin se për kaq vjet, aty është zhvilluar një aktivitet i madh, janë krijuar institucione. Unë kam qenë në teatër që në vitin 1950. Kam parë edhe ?Prefektin? me Behije Çelën, etj.. Kam bërë disa skenografi, kur drejtor ka qenë Xhemal Broja, i cili më ka ftuar. Aty janë themeluar të gjitha institucionet e kulturës…”.

Njeriu që i ka artikuluar këto fraza është Maks Velo, arkitekti, piktori dhe shkrimtari, por i njohur,edhe si miku i Edi Ramës. Gjykimin e tij për ndërtesën që ka ndëzur debat të madh midis pushtetit dhe artistëve e jep sikurse ai di, pra jashtë shoqërive dhe miqësive.

I qenë prezent në emisionin “Studio e hapur”, Velo e kundërshton projektin e qeverisë Rama për shembjen e Teatrit Kombëtar.

Logjika e shembjes nuk të çon asgjëkundi, ka vlerësuar Maks Velo, që si arkitekt thekson se teatri është në harmoni të plotë me godinat e bulevardit qendror të qytetit. Por jo vetëm për këtë nuk duhet prishur. Për të mbështetur mendimin e tij Velo rreshton arsye të tjera argumentuese.

“…Aty është themeluar Teatri i Kukullave, Ansambli i Ushtrisë, Orkestra Filarmonike, në 1953 kam qenë aty kur Krantja dirigjoi Filarmoninë e Tiranës, pastaj kam parë baletet ?Shatërvani i Bahçisarajit?, ?Rusalkën?, etj.. Ka një manipulim, një goditje të keqe ndaj ndërtesës, me justifikimin: vajza ime është 2 vjeç dhe nuk e di se çfarë është bërë aty dhe ta shembim. Me këtë logjikë, edhe unë nuk kam qenë në kohën e Ismail Qemalit dhe le ta shembim shtëpinë e Vlorës, që, për mua, s?ka asnjë rëndësi dhe nuk kam asnjë lidhje me të, ose me godinën ku u mbajt Kongresi i Lushnjës. Unë kam lindur në vitin 1935, ç?lidhje kam unë me të. Vlerat vijnë nga vjetërsia. Francezët shitën një shishe vere të 1774-ës, 103 mijë euro. Kantina e ka mbajtur që në 1774-n. Kjo e bën vlerë dhe jo aftësia që të bësh një verë të re. Trashëgimia është pikërisht transmetimi, grumbullimi dhe ruajtja e vlerave, sepse ne kaq kemi. Unë e di mirë dhe më dhembi që këta (aktorët) ishin shumë keq kur shkuan në Londër te ?Shekspiri?, por ne këtë nivel kemi. Nuk është se ne në fusha të tjera jemi shkëlqyeshëm. Është gabim i rëndë. Trashëgimia jonë aty është. Se kaq kemi. Teatri ka vlera. Ne po ngrejmë lart e poshtë gjëra gjigande dhe nuk ka harmoni ndërmjet gjërave. Nëse do ndërtohen ato godina pas, ke disa ndërtesa të larta, dhe tërë atë qarkullim. Nëse vendos edhe 10 mijë banorë aty..është shumë e diskutueshme. Argumentet me zjarrfikëse janë qesharake?, argumentoi Maks Velo, i njohur nga të gjithë si miku i Edi Ramës./CNA.al