web counter
LEXO PA REKLAMA!

SHKARKO APP

Ekzekutimi i pronarit të servisit/ Zbardhet pista e hetimit

19 Qershor 2018, 17:16, Aktualitet CNA

Pas ekzekutimit të 60-vjeçarit Mehdi Kavaja me një plumb në kokë mbrëmjen e djeshme në Shkodër, detaje të reja kanë dalë në dritë.

Dyshohet që pronari i servisit të automjeteve të jetë vrarë për shkak të hakmarrjes, raporton Report Tv.

Bëhet e ditur se hakmarrja është pista kryesore ku po heton policia, pasi dyshohet se nipat e viktimës kanë qenë përfshirë në një ngjarje kriminale të mëparshme.

Grupi hetimor i Policisë së Shkodrës ka marrë në pyetje familjarët e viktimës, ndërsa ka shtrirë hetimet edhe te të afërmit e 60-vjeçarit, për të zbardhur konfliktet e së shkuarës, ku dyshohet të jenë përfshirë pikërisht nipat e Kavajës.

Ngjarja e rëndë dyshohet të jetë kryer nga një vrasës me pagesë, pasi policia nuk ka gjetur asnjë gjurmë në vendin e krimit. 60-vjeçari Kavaja u ekzekutua mbrëmjen e kaluar në banesën e tij me plumb në kokë, ndërsa policia vijon të mbledhë gjithë të dhënat për të mbërritur në gjurmët e autorit, që ka qëlluar pronarin e servisit.





Lajmet e fundit nga