web counter
LEXO PA REKLAMA!

SHKARKO APP

App Store
Google Play

Trafikonin kanabis drejt Greqisë/ Në pranga dy persona

19 Qershor 2018, 13:58, Aktualitet CNA

Policia Kapshticës ka vënë në dy shtetas nën akuzën e trafikimit të lëndëve narkotike.

Policia ka bërë me dije se në pranga kanë rënë Adriatik Rasa, 26 vjeç, banues në Lushnjë dhe Besart Skënderasi, 28 vjeç, banues në Vloçisht-Korçë.

Arrestimi i tyre u bë pasi në afërsi të fshatit Kapshticë-Devoll, në vendin e quajtur “Lugina e vogël”, iu gjetën dhe sekuestruan në cilësinë e provës materiale brenda një çante, një sasi prej 21 kg e 400 gr lëndë të dyshuar si narkotike Cannabis Sativa, të cilën synonin ta trafikonin drejt Greqisë.

Njoftimi i policisë:

Më datë 18.06.2018, nga shërbimet e Stacionit të Policisë Kufitare Kapshticë, në bashkëpunim me Seksionin kundër Narkotikëve, u bë kapja dhe arrestimi në flagrancë i shtetasve:

Adriatik Rasa, 26 vjeç, banues në Lushnjë. Besart Skënderasi, 28 vjeç, banues në Vloçisht-Korçë.

Pasi në afërsi të fshatit Kapshticë-Devoll, në vendin e quajtur “Lugina e vogël”, këtyre shtetasve shërbimet policore të patrullës së kufirit të gjelbër, iu gjetën dhe sekuestruan në cilësinë e provës materiale brenda një çante, një sasi prej 21 kg e 400 gr lëndë të dyshuar si narkotike Cannabis Sativa, të cilën synonin ta trafikonin drejt Greqisë.

Punohet për identifikimin dhe kapjen e bashkëpunëtorëve të tjerë, të dyshuar si të implikuar në këtë ngjarje. Neni 283/a/2 i Kodit Penal. /CNA.al





Lajmet e fundit nga