Basha “i përvishet” Ramës/ “Batakçi, po na mbyll derën e Europës”

19 Qershor 2018, 15:28, Aktualitet CNA

Pas debateve në Komisionin e Medias për prishjen e Teatrit Kombëtar, ka reaguar kreu i Partisë Demokratike Lulzim Basha.

Basha ka thënë se Rama është një batakçi që në bashkëpunim me klientët e tij po grabit pronën publike.

Ai ka theksuar se gjesti i sotëm i opozitës tregon se ka mbrojtur interesin publik, ndërsa ka thënë se Rama është duke i mbyllur dyert e Evropës, Shqipërisë.

?Sot opozita mbrojti interesin publik dhe parlamentarizmin. Parlamenti duhet të përfaqësojë interesat e popullit dhe jo të mafias së ndërtimit, krimit dhe drogës. Por Edi Rama e ka të vështirë të bëjë dallimin midis batakut mes të cilit kalon gjithë kohën dhe parlamentit, prandaj edhe komentet e tij publike janë të gjitha me gjuhën e batakçiut.

Afera e Teatrit Kombëtar është grabitje kriminale që Edi Rama ka më se një vit që e përgatit në bashkëpunim me klientët e tij. Në këtë aferë do të vidhet prona publike për të ndërtuar kulla të larta që do financohen me para të krimit dhe drogës. Ky që garantoi karrierën me 20 për qindshin për çdo leje ndërtimi dhe u ngrit në majë të politikës me formulën ?një pallat, një votë?, tani sillet si një bandit që do të grabisë 100 për qind të Shqipërisë?,- shkruan Basha, në një postim në rrjetet sociale.

Më tej Basha ka thënë se kërkon mbrojtjen e oligarkëve për të ndenjur në pushtet dhe për këtë arsye është duke I favorizuar.

?I dështuar në qeverisje, i demaskuar para gjithë botës si i paaftë, i korruptuar dhe i kalbëzuar moralisht, Edi Rama kërkon ngushëllim dhe mbrojtje duke u bërë njësh me oligarkë, kriminelë dhe hajdutë për të mbrojtur pushtetin dhe bërë para duke betonizuar dhe grabitur Shqipërinë?.

Në përfundim Basha tha se ?Dhunuesi i Parlamentit, Kushtetutës dhe ligjit është Edi Rama. Dhunuesi i shqiptarëve është Edi Rama që pasi u vodhi votën, po vjedh edhe pasurinë publike për të shtuar pasurinë e vet private. Dhunuesi i Shqipërisë është Edi Rama që po na mbyll derën e Europës për të pestin vit me rradhë. Sot ai mund të ngrejë kulla dhe të pastrojë paratë e drogës në çdo cep të Tiranës, por e afërt është dita kur këto zulllume do ta zënë poshtë bashkë me Fikun e Tiranës!? /CNA.al