web counter
LEXO PA REKLAMA!

SHKARKO APP

App Store
Google Play

Shkup, marrëveshja për emrin hyn në procedurë parlamentare

19 Qershor 2018, 17:10, Aktualitet CNA

Marrëveshja midis qeverive të Greqisë dhe Maqedonisë për ndryshimin e emrit të ish republikës jugosllave ka hyrë në procedurë parlamentare dhe Shkupi pritet ta ratifikojë atë para samitit të Bashkimit Evropian më 25 dhe 26 qershor.

Parlamenti i Maqedonisë i dha të martën dritën jeshile draftit të qeverisë për ratifikimin e marrëveshjes, ndërsa komisionet përkatëse të parlamentit hapën debate për këtë (marrëveshjen). Ministri i jashtëm, Nikolla Dimitrov duke folur para ligjvënësve tha se marrëveshja është jetike për të ardhmen evropiane të Maqedonisë dhe se kjo varet nga ratifikimi i marrëveshjes.

Por opozita e cilësoi marrëveshjen si një akt kapitulimi dhe u largua nga seanca e parlamentit. VMRO-DPMNE thotë se marrëveshja për ndryshimin e emrit do të thotë një “embargo e plotë ndaj gjithçkaje që është maqedonase”.

Emri i Republikës së Maqedonisë do të ndryshojë në “Republika e Maqedonisë Veriore”. Kjo ka nxitur pakënaqësi si në Athinë edhe në Shkup tek opozita e të dy vendeve dhe ka bërë që qindra protestues të dalin rrugëve për ta kundërshtuar atë. Megjithatë, shumë analistë mendojnë se Shkupi ka bërë një kompromis të mirë, duke ruajtur identitetin dhe gjuhën e popullit maqedonas, ndërsa vendit pritet shumë shpejt t’i hapen rrugët për anëtarësim në NATO dhe për bisedimet për integrim në Bashkimin Evropian./VOA/





Lajmet e fundit nga