Prokurori i dosjeve “të nxehta”/ Zbardhet pasuria e Hajdarmatajt pas shkarkimit

20 Qershor 2018, 10:44, Aktualitet CNA

Me 9 maj 2018, në krye të Prokurorisë së Krime të Rënda Krueprokurorja e përkohshme komandoi Donika Prelën. Emërimi erdhi pas shkarkimit suprizë dhe të befasishëm të Besim Hajdarmatajt.

Ky i fundit, ka në dorë një çështje mjaft të ndjeshme siç është rasti i ish-Ministrit të Brendshëm Saimir Tahiri. Ndaj shkarkimi i tij, u përcoll me një sërë komentesh.

Por, kryeprokuorja e përkohshme Arta Marku edhe pse i pati premtuar publikisht mbështetje, e shkarkoi, pa ofruar ndonjë motivacion.

Gjithsesi, Besim Hajdarmataj do të mbahet mend si Prokurori që guxoi të hetojë një ish-Ministër të Brendshëm.

Ndër të tjera, Hajdarmataj ka firmosur edhe ngjarje të tjera të bujshme në krye Prokurorisë së Krimeve të Rënda, siç është rasti i pilotit italian, Guido Andrea Guidi, i cili u rrëzua me avionin e tij në zonën e Ishmit, i dyshuar se po kryente trafik droge.

Hajdarmataj ndër vite ka drejtuar institucionin e hetimit në qytete si Tropoja apo Kurbini

CNA.al në baza ditore, po sjell pasuritë e krerëve dhe të ish krerëve të gjykatave dhe prokurorive dhe në këtë kuadër do të ndalet edhe deklarimi i pasurisë nga ish-Kreu i krimeve të Rënda, Besim Hajdarmataj.

Besim Hajdarmataj ka qëndruar në krye të prokurorisë për Krime të Rënda për një periudhë kohere prej dy vite e 54 ditë.

Sipas formularit të deklarimit të pasurisë marrë pranë ILDKPI-së, rezulton se Hajdarmataj, është larguar nga Krimet e Rënda me burimin e vetëm të të ardhurave, pagën.

Deklarata e pasurisë

Shtesë nga të ardhura nga pagat për vitin 2017, gjëndje në llogarinë rrjedhjëse të pagës, në shumën 870 000 lekë.

Llogari rrjedhëse për pagën, gjendja deri me 31.12.2017, në shumën 1.804,709.23 lekë.

Nga gjendje në Cash në shtëpi kaluat në depozitë bankare në vlerën 1 000 000 00, bashkë me interesat gjatë periudhës se depozitimit 1,002,956,00,sipas vertetimit të bankës datë 29.03.2018. Burimi: Kursimi në vite nga pagat e punës nga viti 1999- 2016.

Nga gjendje Cash në shtëpi, kaluar në depozitë bankare, në vlerën 5,000,000,00, sipas vertetimit të bankës datë 29.03.2018.

Burimi: Kursimi në vite nga pagat e punës nga viti 1999- 2016.

Të ardhurat e përfituara nga paga si prokuror në Prokurorinë pranë Gjykatës së Shkallës së Parë për Krime të Rënda Tiranë deri me datë 31.12.2017, në shumën 1,883,314 lekë.