web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet shantazhi Rama-Basha/ A do të nisë hetimet prokuroria?

20 Qershor 2018, 10:57, Aktualitet CNA

Kryeministri Rama dhe kreu i opozitës, Lulzim Basha ditë pas dite me deklaratat e tyre në media, bëjnë paralajmërime të forta për njëri-tjetrin.

Hidhe njëri e prite, tjetri, pothuajse çdo ditë mbajnë të karikuar opinionin publik, në pritje të ?bombës? së radhës që do të publikojnë.

Një ndër çështjet më të përfolura ishte edhe ajo e sekuestrimit të gjysëm toni kokainë në Maminas pak kohë më parë. Në lidhje me këtë ngjarje pati akuza dhe kundër akuza të forta.

Pas akuzave të opozitës, Rama u përgjigj me deklarata të forta, ndërsa paralajmëroi se për pak ditë do të dalin lidhjet e zyrtarëve të lartë te PD-së me këtë sasi rekord droge të kapur në vendin tonë.

Por, nuk vonon edhe përgjigja e kreut demokrat, Lulzim Basha.

Ai nxjerr deputetët e tij, të cilët paralajmërojnë se do të nxjerrin një tjetër video, sipas tyre për një tjetër ministër të Ramës të përfshirë në akte kriminale.

Java kaloi dhe në fakt asgjë nuk doli, asgjë nuk u publikua. Mbeten thjeshtë deklarata mediatike.

Kjo tregon edhe një herë atë që ne te CNA.al e kemi thënë shpesh, Rama dhe Basha mbajnë në këmbë njëri-tjetrin.

Sapo del një skandal i qeverisë, e mbulon Basha duke tërhequr vëmendjen me një tjetër çështje dhe nga ana tjetër me deklarata publike shantazhojnë njëri-tjetrin, por që ata e quajnë debat politik.

Ndërkohë në media asgjë nuk është publikuar nga ato që kanë paralajmëruar.

Por, një detaj tjetër që bie në sy në gjithë këtë ?përballje? mes tyre, është heshtja e prokurorisë.

Minimumi organi i akuzës duhet të nisë hetimet për shantazh, dhe të kërkojë vënien në dispozicion të materialeve të pretenduara se disponojnë palët përkatëse.

Por, asnjëra në këto nuk ka ndodhur nga prokuroria deri në këto momente./ CNA.al





Lajmet e fundit nga