web counter
LEXO PA REKLAMA!

SHKARKO APP

App Store
Google Play

Ruçi takon zyrtarin e lartë të Armenisë/ Diskutohet për rritjen e bashkëpunimit dypalësh

20 Qershor 2018, 11:35, Politikë CNA

Kryetari i Kuvendit, Gramoz Ruçi u takua sot me Nënkryetarin e Parlamentit të Armenisë, Z. Eduard Sharmazanov.

Duke vlerësuar marrëdhëniet jo shumë aktive dypalëshe, Kryetari i Kuvendit Ruçi nënvizoi se midis dy vendeve nuk ekzistojnë rezerva që të pengojnë zhvillimin e marrëdhënieve dypalëshe në të gjitha nivelet dhe fushat me interes të ndërsjellë.  Prandaj ka vend për vendosjen e dialogut politik dhe institucionalizimin e kontakteve politike.  Nënkryetari Sharmazanov e vlerësoi këtë takim si një takim historik për marrëdhëniet midis të dy vendeve dhe shprehu bindjen se ai do të hapë rrugën e forcimit e zgjerimit të marrëdhënieve midis të dy vendeve.

Kryetari Ruçi kërkoi që Armenia të rishikojë qëndrimin e saj për pavarësinë e Kosovës si edhe të mbështesë anëtarësimin e saj në organizatata ndërkombëtare. Nënkryetari Sharmazanov nënvizoi se e mirëkupton shqetësimin e Shqipërisë për qëndrimin e Armenisë për Kosovën, por nënvizoi se ky qëndrim imponohet nga rrethanat specifike të vendit. Ai theksoi se Armenia kërkon që Kosova dhe Serbia të vazhdojnë rrugën e dialogut drejt një zgjidhjeje të pranueshme për të dy palët.

Kryetari Ruçi dhe Nënkryetari Sharmazanov ranë dakord që parlamentet e të dy vendeve të vlerësojnë mundësinë e ngritjes së grupeve parlamentare të miqësisë Shqipëri-Armeni.

Gjatë takimit u diskutua mbi rritjen e bashëkpunimit dypalësh edhe në kuadrin e Asamblesë Parlamentare të Bashkëpunimit Ekonomik të vendeve të Detit të Zi, PABSEC, sesioni i 51-të plenar i të cilës zhvillon punimet këto ditë në Tiranë.

Bashkëbiseduesit diskutuan edhe mbi rolin e dialogut dy e shumëpalësh përzgjidhjen e çështjeve të mbartura historikë apo të reja midis vendeve  e rajoneve të ndryshme. Shekulli ynë, nënvizoi Kryetari i Kuvendit Ruçi, është shekulli i dialogut, negociatave dhe kompromiseve, si instrumentat më efikas për ndërtimin dhe garantimin e  paqes.





Lajmet e fundit nga