web counter
LEXO PA REKLAMA!

SHKARKO APP

E fundit!

x

Qeveria ul taksat për biznesin/ Rama fton emigrantët të investojnë në agroturizëm

19 Qershor 2018, 10:21, Politikë CNA

Kryeministri i vendit Edi Rama është takuar sot në Durrës më disa operatorë turistikë, ku u ka dhënë përgjigje shqetësimeve të tyre. Ai ishte i shoqëruar nga Kryetari i Bashkisë së Durrësit Vangjush Dako dhe Ministri i Mjedisit dhe Turizmit, Blendi Klosi. Kryeministri e ka nisur fjalën e tij me formalizimin e biznesit dhe masat lehtësuese ndaj tij.

Rama ka bërë me dije, se për biznesin do të ketë ulje të tatimit mbi fitimin nga 15 në 5%, si dhe TVSH do të kapë nivelin 6 %.  Më tej ai ka zbuluar se për çdo biznes, do të bëhet i mundur regjistrimi i çdo transaksioni në kohë reale.

Rama ka ftuar gjithashtu emigrantët, për të investuar në Shqipëri, kryesisht në agro turizëm. Kjo sipas kryeministrit, do t’i jepte shtysë punësimit si dhe do të rriste nivelin e turizmit në Shqipëri.

Gjatë fjalës së tij, kreu i qeverisë ka përmendur edhe transformimet në zonën e plazhit të Durrësit. Ai shton se tashmë do të ketë ujë të pijshëm 24 orë, ndërsa ujërat e zeza nuk do të derdhen më në det.





Lajmet e fundit nga