web counter
LEXO PA REKLAMA!

SHKARKO APP

App Store
Google Play

Reforma në Drejtësi/ Diplomatja e BE: Nuk ka kthim pas, ndryshimi është i mundur

13 Qershor 2018, 10:57, Politikë CNA

Gjatë një aktiviteti të zhvilluar sot në Pallatin e Kongreseve, është prezantuar sot nisja e projektit EURALIUS V, i cili synon konsolidimin e sistemit shqiptar të drejtësisë.

Të pranishëm në këtë aktivitet ishin ambasadorja Romana Vlahutin, Ministrja e Drejtësisë Etilda Gjonaj si dhe Christian Lange nga Ministria Federale Gjermane e Drejtësisë.

Diplomatja e misionit të BE në Tiranë, Vlahutin është shprehur se pas reformës në drejtësi pritet një ndryshim themelor, nga lufta kundër korrupsionit te zbatimi i të drejtave të njeriut.

?Me asistencën e EURALIUS, BE do të japë një ekspertizë mjaft të mirë për të drejtat e njeriut, por edhe luftën kundër korrupsionit në vend për të bërë Shqipërinë një vend me të drejta të barabarta për të gjithë. Reforma në Drejtësi është një instrument i mirë për sigurinë dhe le të besojmë që ndryshimi është i mundur, duhet durim. Nuk ka kthim pas, sistemi i drejtësisë është një realitet dhe ne jemi të duruar për të pritur ndryshimin për të ardhmen.?-tha ndër të tjera Romana Vlahutin.

Misioni EURALIUS V, më përfaqësues nga disa vende të Bashkimit Europian do të asistojnë organet e reja të sistemit të drejtësisë në Shqipëri.





Lajmet e fundit nga