web counter
LEXO PA REKLAMA!

SHKARKO APP

App Store
Google Play

E fundit!

x

Miratimi i rezolutës së BE, pa opozitën/ Reagon Partia Demokratike

24 Maj 2018, 12:44, Politikë CNA

Mazhoranca ka miratuar sot me votat e aletaëve, rezolutën e BE, ndërkohë që opozita i braktisi punimet e Kuvendit.

Pavarëisht mungesës, nuk ka munguar reagimi i Partisë Demokratike.

Deputeti i Partisë Demokratike, Genc Pollo, ka thënë se rezoluta për Integrimin Europian që Partia Socialiste vetë e hartoi dhe e vetë e votoi, ishte një tekst plot furçe dhe bojëra për makiazhin e fytyrës së qeverisë.

Pollo, ka thënë se nëse qeveria dhe Edi Rama do të donte një Rezolutë konsensuale atëherë do të lejonte që teksti i Partisë Socialiste normalisht, siç është vepruar gjithmonë, të shqyrtohej në Komisionin e Integrimit Europian.

Sipas tij, madje edhe në Këshillin Kombëtar të Integrimit Europian dy organe përgjegjëse të Kuvendit, për raportet me Bashkimin Europian dhe kështu është vepruar gjithmonë përmes diskutimeve, kompromiseve, është arritur pothuajse gjithmonë një tekst i përbashkët i cili është votuar konsensualisht.

?Siç u arrit edhe deklarata me deputetët e Parlamentit Europian në shkurt të këtij viti.

Por qeveria nuk e do këtë dhe Edi Ramës ai Projekt-Rezolutë me furçe me bojëra i duhet vetëm për të hequr vëmendjen nga Agron Xhafaj dhe nga i vëllai i tij, që rri, i vdekur i pakallur, në postin e Ministrit.

Rruga për të korrigjuar këtë zullum dhe rruga për të korrigjuar shumë zullume të tjera dhe rruga për një Shqipëri Europiane është protesta e madhe e gjerë popullore.

Këtë të shtunë në orën 11.00 në sheshin qëndror të Tiranës?, ka thënë para mediave Pollo./CNA.al

 





Lajmet e fundit nga