web counter
LEXO PA REKLAMA!

SHKARKO APP

App Store
Google Play

Meta takon presidentin e Bundestagut/ Çfarë u diskutua për negociatat

15 Qershor 2018, 12:23, Politikë CNA

Pak ditë para vendimit për hapjen ose jo në negociatave mes Shqipërisë dhe BE-së për anëtarësim, Presidenti i Republikës, Ilir Meta ka udhëtuar drejt Gjermanisë.

Presidenti i Republikës, Ilir Meta, u prit sot nga Presidenti i Bundestatug të Gjermanisë, Dr. Ëolfgang Schäuble.

Kreu i shtetit shprehu mirënjohjen e thellë për ndihmën dhe mbështetjen e gjithanshme që Gjermania i ka dhënë Shqipërisë dhe shqiptarëve, 30 vite bashkëpunim diplomatik dypalësh.

Në mënyrë të veçantë, Presidenti Meta vlerësoi rolin dhe angazhimin e Gjermanisë në drejtim të integrimit të Shqipërisë dhe vendeve të tjera të Ballkanit Perëndimor në Bashkimin Evropian.

Duke iu referuar progresit të bërë në përmbushjen e prioriteteve kyçe, Presidenti Meta, theksoi rëndësinë e jashtëzakonshme që do të kishte një vendim pozitiv i Bundestagu gjerman në favor të çeljes së negociatave të anëtarësimit me Shqipërinë dhe Maqedoninë.

?Çelja e negociatave vetëm do të na ndihmonte më shumë për të adresuar më mire të gjitha prioritetet dhe përmbushur standardet dhe kriteret e nevojshme, si dhe do të jepte një sinjal shumë pozitiv për të gjitha forcat në rajon ? nënvizoi Presidenti Meta.

Gjatë takimit u vlerësua premtuese dhe inkurajuese marrëveshja mes qeverisë greke dhe asaj maqedone për zgjidhjen e cështjes së emrit të Maqedonisë dhe u theksua rëndësia e përfundimit të fazës finale të dialogut Kosovë-Sërbi.

Të dy bashkëbiseduesit ndanë shqetësimin për çështjet e sigurisë që kërcënojnë rajonin e Ballkanit Perëndimor dhe theksuan nevojën e një bashkëpunimi më të ngushtë në këtë drejtim, si në nivel dypalësh ashtu edhe në atë rajonal e evropian.





Lajmet e fundit nga