web counter
LEXO PA REKLAMA!

SHKARKO APP

App Store
Google Play

600 mijë sirianë në Shqipëri?/ Reagon Ministria e Brendshme

20 Qershor 2018, 11:16, Politikë CNA

Ministria e Brendshme ka reaguar në lidhje me lajmet që qarkulluan në media, për mundësinë e ngritjes së një kampi për 600 mijë refugjatë sirianë në Shqipëri.

Në një deklaratë për mediat, ministria e Brendshme sqaron se ?Ndërtimi i kampeve për imigrantë nuk është një çështje në shqyrtim apo në diskutim. Askush nuk e ka kërkuar deri më sot dhe askush nuk e ka ofruar një gjë të tillë.?

Ndërsa në lidhje me deklaratën e zv.ministrit Hodaj për median gjermane, ZDF, ministria thotë se ?Thëniet e zv.ministrit Julian Hodaj, të cituara në kronikë janë përgjigjja e një pyetje konkrete:
?Çfarë mund të bënte Shqipëria në kushtet e një emergjence imigrantësh??
Përgjigjja e kësaj pyetjeje është ajo që citohet: ?Shqipëria e ka treguar gjatë luftës së Kosovës se është në gjendje të përballojë këto emergjenca?.

Deklarata e plotë:

Sqarim
Nisur nga jehona mediatike e një kronike televizive të rrjetit gjerman ZDF, në datë 19.06.2018, me qëllim evitimin e spekulimeve dhe keqpërdorimeve të përmbajtjes së kësaj kronike, Ministria e Brendshme sqaron se:

– Ndërtimi i kampeve për imigrantë nuk është një çështje në shqyrtim apo në diskutim. Askush nuk e ka kërkuar deri më sot dhe askush nuk e ka ofruar një gjë të tillë.

– Thëniet e zv.ministrit Julian Hodaj, të cituara në kronikë janë përgjigjja e një pyetje konkrete:
?Çfarë mund të bënte Shqipëria në kushtet e një emergjence imigrantësh??
Përgjigjja e kësaj pyetjeje është ajo që citohet: ?Shqipëria e ka treguar gjatë luftës së Kosovës se është në gjendje të përballojë këto emergjenca?.

Pra përgjigjja lidhet me një situatë hipotetike humanitare emergjence, si ajo gjatë luftës së Kosovës ku pati një angazhim shtetëror e popullor, dhe jo mbi një diskutim nëse një kamp mund të ndërtohet ose jo në Shqipëri.





Lajmet e fundit nga