web counter
LEXO PA REKLAMA!

SHKARKO APP

App Store
Google Play

Sezoni turistik/ Ja akset ku kufizohen lëvizjet e mjeteve 

15 Qershor 2018, 09:20, Aktualitet CNA

Nga kjo e premte, mjetet e tonazhit të rëndë do të qarkullojnë me orare të reduktuara në akset kryesore të vendit dhe kryesisht ato turistike.

Prej ditës së sotme, ka hyrë në fuqi udhëzimi i përbashkët i ministrit të Brendshëm, Fatmir Xhafaj dhe atij të transporteve Damian Gjiknuri, dhe do ti shtrijë efektet e tij deri më 15 shtator.

Mjetet që kufizohen janë ato me tonazh mbi 7.5 tonë, mjete me gjatësi 12 m dhe ngarkesë të pandalshme si dhe makina bujqësore, teknologjike dhe traktor me shpejtësi nën 40 km në orë.

Sipas këtij udhëzimi kufizimet shtrihen përgjatë fundjavës duke nisur nga dita e premte deri të dielave ora 24:00 dhe për këdo shkelës penalitetet do të jenë ekstreme me gjobë dhe bllokim mjeti.

Të premteve kufizimi për të ëprdorur akset rrugore nga mjetet e sipërcituara nis në ora 15:00 deri në orën 22:00.

Të shtunën kufizimi nis prej orës 08:00 deri në 12:00 duke lejuar një hapsirë prej 4 orësh dhe rikthehet sërish në ora 16:00 deri në ora 22 të mbrëmjes.

Për ditët e diela ky kufizim është edhe më i gjatë duke nisur në ora 07:00 deri në ora 22:00.

Akset që nuk do të lejohet qarkullimi i mjeteve të tonazhit të rëndë janë nga ato të piakve kufitare e deri në zonat bregdetare si Hani Hotit, Muriqan, Qafthanë, Morinë, Kapshticë, Kakavijë.

Po ashtu akset që do të kufizohet prekin dhe plazhet në qarkun e shkodrës, Lezhës, Durrësit, Kavajës, Fierit, Vlorës, Sarandës, Pogradecit.

Patrullimet e policisë kanë nisur nga kjo e premte të zbatojnë këto masa edhe në Tiranë-Durrës me drejtim Gjirin e Lalzit.

Në këto kufizime është përfshirë dhe Tepelena dhe Bajram Curri për shkak të lidhjes së tyre me turizmin kulturor.

Mjetet e tonazhit të rëndë janë të ndaluara të qarkullojnë përgjatë fundjavave edhe në akset e kishës së Laçit apo malit të Tomorrit për shkak të peligrinazheve që kryehn në këto dy vënde të ritefeve fetare.





Lajmet e fundit nga