Meta bllokon finalizimin e paktit me Greqinë/ Zbardhen kushtet e Presidentit

15 Qershor 2018, 07:20, Aktualitet CNA

Presidenti Ilir Meta ka hyrë sërish në lojë për marrëveshjen e detit me Greqinë. Grupet negociatore mes dy vendeve janë në fund të finalizimit të marrëveshjes, por gjithçka rrezikon të shtyhet sepse do të jetë sërish Presidenti personi që do të vendosë mbi cilësinë e kësaj marrëveshje.

Të mërkurën pati një takim mes kryeministrit dhe presidentit dhe në fokus ishte pikërisht kjo marrëveshje. Por gazeta Sot, ka mësuar detaje sa i takon takimit Rama-Meta, por dhe korrespodencës mes Presidencës dhe Ministrisë së Jashtme.

Një burim i tha gazetës se fill pasi dy ministrat grekë, ai i Jashtëm dhe ai i Mbrojtjes, deklaruan se pakti është gati dhe do ketë zgjerim të territorit, Presidenca ka kërkuar të informohet nga Ministria e Jashtme mbi të gjitha detajet e marrëveshjes.

Mësohet se mes dy institucioneve ka pasur kohët e fundit disa letërkëmbime. Pas shkëmbimit të informacionit ka ardhur dhe takimi Rama-Meta, ku presidenti ka kërkuar sqarime të mëtejshme, kryeministri ka kërkuar nga presidenti që ai të japë firmën e tij për marrëveshjen, por nuk ka marrë një ?po? nga kreu i shtetit.

Gazeta ?Sot? raporton se Meta ka vendosur disa kushte përballë qeverisë. Ai ka kërkuar që t?i vihet në dispozicion i gjithë informacioni, çdo dokument i diskutuar në tavolinë e negociatorëve dhe Ministria e Jashtme të sqarojë përmes hartave se si do të ndryshojë kufiri detar.

Meta ka kërkuar informacion më të plotë, duke thënë se i janë vënë në dispozicion të dhëna të pakta. Një gjë të tillë ai e deklaroi publikisht edhe dje.

?Jemi në një proces për të marrë vendime të mëtejshme, pasi Presidenca pret informacione edhe më të plota, sipas standardeve më serioze, që meriton kjo çështje?, tha Meta dje, duke treguar kushtin kryesor që i është vënë qeverisë. Gazeta ka mësuar se Meta po ashtu ka deklaruar para Ramës se miratimi i marrëveshjes në një kohë kur nuk funksionon Gjykata Kushtetuese është me rrezik. Burimet thanës se presidenti kërkon të mos marrë asnjë kosto mbi marrëveshjen dhe përpara se ai të hedhë firmën që ajo të shkojë në Parlament, të ketë konsultim dhe me Gjykatën Kushtetuese. Por Gjykata Kushtetuese nuk funksionon dhe zgjedhja e anëtarëve të rinj të saj mund të dojë disa muaj kohë. Kjo do të thotë se marrëveshja mund të shtyhet sërish. Dy ditë më parë Nikos Kotzias tha se brenda muajit marrëveshja mbyllet, por që ajo të zyrtarizohet duhet të kalojë në 3 faza. E para është që Presidenti ta miratojë hartën e re dhe më pas ajo të kalojë në Parlament. Më pas është po presidenti ai që duhet ta dekretojë. Por nëse Meta vendos të presë Gjykatën Kushtetuese, atëherë me shumë gjasë gjithçka do shtyhet.