E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Propozimi i Veliajt për Teatrin/ Gazetari e nxjerr zbuluar

14 Qershor 2018, 18:14, Aktualitet CNA

Pas dëgjesës së zhvilluar mes artistëve dhe kryetarit të Bashkisë së Tiranës, Erion Veliaj ka reaguar gazetari Telnis Skuqi.

Skuqi në një postin të rrjetet sociale, ka komentuar një deklaratë të Veliajt, i cili ka bërë një krahasim të Teatrit tonë Kombëtar me atë të Kristiansandit.

Skuqi ka thënë se në Shqipëri bëhet e kundërta në krahasim me atë që bëhen jashtë, ndërsa e ka shpieguar më poshtë.

Postimi i plotë:

Vërtetë Lali Eri morri si referencë vlerën teatrin e Kristiansandit, një qytet i bukur bregdetar, ose siç e quajnë ndryshe “Parisi”, rreth 320 km larg Oslos, por harron një fakt, që teatri që është parashikuar të ndertohet dhe të përfundoj në vitin 2025, nuk ngushtohet po trefishohet nga ajo ekzistuesja, madje pushton edhe detin.

Vërtetë vlera reale e projektit fillestar është 170 milionë euro, rreth 2000 euro për çdo banorë, por teatri do të jetë multifuksionale, ku në hapësirën e saj është parashikuar të ndërtohet një bibliotekë dy herë më të madhe se Biblioteka Kombëtare Shqiptare, 140 dhoma për artistët, 3 galeri arte, 6 salla për organizimin e konferencave, si dhe një lulishte gjerë e gjatë.

Vërtetë vlera reale e projektit fillestar është 170 milionë euro dhe projekti është parashikuar për financohet totalisht nga buxheti i shtetit, por kryebashkiaku i Tiranës, Veliaj, ka harruar një fakt: 170 milionë euro për buxhetin e Norvegjisë kushton sa një shami hundësh, me pak fjalë, shuma “cënon” 1% e buxhetit total të vitit 2018.

Vërtetë vlera reale e projektit fillestar është 170 milionë euro dhe projekti është parashikuar për financohet totalisht nga buxheti i shtetit, por teatri ende nuk ka marrë formën e prerë, sepse të parët dëgjohen artistët, pastaj arkitektët dhe në fund vendos referendumi.

Në Shqipëri ndodh e kundërta.

Teatrin zvogëlohet si truall, sipërfaqen e tepërt ia japim “fushave” dhe “kodrave” me PPP-rat, ndërsa artistët zbuthen dhe nuk dëgjohen fare, por fare aman.

Për ta mbyllur këtë histori, dua ta informoj kryebashkiakun e Tiranës, se paga minimale në Norvegji është 3000 euro, pa llogaritur 36% taksa që mbahen çdo muaj automatikisht. /CNA.al