web counter
LEXO PA REKLAMA!

SHKARKO APP

App Store
Google Play

Rrihet 28-vjeçari/ Policia sqaron ngjarjen

5 Qershor 2018, 15:20, Aktualitet CNA

Një 28-vjeçar nga Pogradeci ka kallëzuar policinë për dhunë të ushtruar ndaj tij, pas një përplasje me një efektiv policie, pas gjobës së vënë për mospërdorim të rripit të sigurimit.

Pas këtij rasti, ka reaguar edhe Policia e Pogradecit, e cila shprehet se qytetari nuk ka pretendime ndaj veprimeve të policisë dhe se ka kërkuar falje për veprimet e tij.

Po në të njëjtin njoftim, Policia shprehet se, “SHÇBA ka filluar një proces verifikimi për rastin, përmes një grupi të drejtuar nga Drejtorja e Përgjithshme znj.Trimi”.

Njoftimi i plotë i Policisë:

Pogradec

Në datë 04.06.2018, rreth orës 06:40, përpara ambjentit të Komisariatit të Policisë Pogradec, shtetasi I.B, i është drejtuar me fjalë fyese një punonjësi policie të këtij Komisariati, si dhe ka dëmtuar mjetin privat të tij, duke i thyer aksesorët anësorë.

Pas dëmtimit të mjetit ky shtetas është shoqëruar menjëherë në Polici.

Shkak për këtë veprim sipas deklarimit të tij, dyshohet se ka qenë një masë administrative që punonjësi i policisë i kishte vendosur shtetasit I.B, për mos përdorim të rripit të sigurimit gjatë drejtimit të mjetit kohë më parë.

Shtetasi I.B. pas marrjes së deklaratës së tij ku shprehet se nuk ka pretendime ndaj veprimeve të Policisë, si dhe kërkon ndjesë ndaj punonjësit të policisë për dëmtimin e mjetit, rreth orës 09:45 është lënë i lirë.

SHÇBA ka filluar një proces verifikimi për rastin, përmes një grupi të drejtuar nga Drejtorja e Përgjithshme znj.Trimi.





Lajmet e fundit nga