Denoncimi i këshilltarit të djathtë/ Si po e shkel "lali Eri" ligjin

4 Qershor 2018, 16:15, Aktualitet CNA

Anëtari i PD në Këshillin Bashkiak të Tiranës, Fabian Topollaj, ka vijuar me sulmet ndaj Bashkisë së Tiranës, ndërsa e akuzon institucionin për mosdhënie informacioni.

Me anë të një postimi në rrjetet sociale, Topollaj shprehet i bindur se Gjykata do ta anulojë rritjen e çmimit të ujit, ndërsa shton se i ka kërkuar Bashkisë Tiranë t’i vërë në dispozicion një kopje të njehsuar me origjinalin të vendimit për rritjen e çmimit të ujit, pasi të tillë e kërkon Gjykata e Apelit, ndërsa sot i është thënë gojarisht, se nuk do ta ketë atë që kërkon.

Sipas Topollajt, “Shkelja e ligjit nuk mund te zgjidhet me nje shkelje tjeter te ligjit. Gjithsesi, ne cilesine e keshilltarit bashkiak, brenda javes do te dorezoj ne gjykate kerkesen per anullimin e rritjes se cmimit te ujit ne Tirane dhe jam i sigurt qe Gjykata Administrative shume shpejt do te anulloje paligjshmerine e Veliajt dhe do te shfuqizoje rritjen abuzive te cmimit te ujit te pijshem per qytetaret e Tiranes.
Lali e di veten te forte, por mbi ligjin nuk del dot.”

Postimi i plotë:

Gjykata do te anulloje vendimin e Veliajt per rritjen e cmimit te ujit ne Tirane.
Qe diten kur u ?miratua? rritja e cmimit te ujit nga Keshilli Bashkiak Tirane me votat e manipuluara te 6 individeve qe nuk kane qene kurre keshilltare bashkiake, (per kete fakt ka dhe nje vendim Gjykate) kam deklaruar qe vendimi per rritjen e cmimit te ujit eshte krejtesisht i paligjshem dhe do te anullohet nga gjykata.

Nderkohe qe pergatisja padine per kete ceshtje, i kerkova zyrtarisht Bashkise Tirane te me vere ne dispozicion nje kopje te njehsuar me origjinalin te vendimit per rritjen e cmimit te ujit, per shkak se ne kete forme e kerkon Gjykata e Apelit.
Sot gojarisht, ne menyre krejt flagrante, perfaqesues te sekretarise se Keshillit Bashkiak me treguan qe nuk mund te ma jepnin informacionin e kerkuar dhe as nuk do te me pergjigjeshin me shkrim per kerkesen time shkresore, sepse keshtu kishin mare urdher nga shefat e tyre.

Shkelja e ligjit nuk mund te zgjidhet me nje shkelje tjeter te ligjit. Gjithsesi, ne cilesine e keshilltarit bashkiak, brenda javes do te dorezoj ne gjykate kerkesen per anullimin e rritjes se cmimit te ujit ne Tirane dhe jam i sigurt qe Gjykata Administrative shume shpejt do te anulloje paligjshmerine e Veliajt dhe do te shfuqizoje rritjen abuzive te cmimit te ujit te pijshem per qytetaret e Tiranes.
Lali e di veten te forte, por mbi ligjin nuk del dot. /CNA.al